VOV4.Xơ Đăng - Kơxo (14/4), a hngêi Kuô̆k hô̆i, pơxiâm po hneăng hôp  rôh má 10 dêi Vi ƀan pơkuâ cheăng Kuô̆k hô̆i hneăng 15. A rôh hôp mê, Vi ƀan pơkuâ cheăng Kuô̆k hô̆i ăm hnê tối a hên tơdroăng ki kal vâ hbrâ pơtroh ăm hneăng hôp má 3 dêi Kuô̆k hô̆i.

‘Na tơdroăng mơjiâng luât, Vi ƀan pơkuâ cheăng Kuô̆k hô̆i kô ăm hnê tối ‘na mâu tơdroăng tơkêa bro: Luât têa châu (‘mâi hơ’lêh), Luât hbrâ mơdât tơxĭn tôu pâm dêi rơpó tung on veăng (‘mâi hơ’lêh), Luât ‘mâi hơ’lêh, tơ’nôm a mâu tơdroăng dêi Luât Tần số vô tuyến điện, Luât séa ngăn (‘mâi hơ’lêh), Luât khăm, pơlât (‘mâi hơ’lêh); ăm hnê tối ‘na tơdroăng mơjiâng luât, luât hơnăm 2023.

‘Na mâu tơdroăng cheăng kâ-rêh ối, Vi ƀan pơkuâ cheăng Kuô̆k hô̆i ăm hnê tối: Tơbleăng dêi chin phuh tâi tâng tơdroăng mơgêi pêi pro tiô pơkâ kơxô̆ 42 hơnăm 2017 dêi Kuô̆k hô̆i ‘na mơnúa tơleăng mơnhên chê̆n ki ôh tá kâi tơvêh dêi mâu khu tơrŭm ăm mung liăn; hlá  mơ-éa pơkâ dêi Kuô̆k hô̆i ‘na luât pơkâ  mơnhông mơdêk kong pơlê Khánh Hòa; troăng rơhlâ xing xoăng liăn ăm mâu tơdroăng tơkêa pro dêi tơdroăng ‘mâi mơnhông cheăng kâ rêh ối, tung mê, séa ngăn ‘na inâi tơdroăng tơkêa bro ‘no liăn cheăng dêi tơdroăng ‘mâi mơnhông cheăng kâ ƀă troăng rơhlâ pro tơdâng liăn Tơdroăng ‘mâi mơnhông cheăng kâ - rêh ối cho liăn ‘no mơjiâng tơmeăm khoăng ton hơnăm pơla hơnăm 2021-2025.

Gương tơplôu ƀă tơbleăng