VOV4.Xơ đăng - Hâi lơ 11/5, a Hngêi Kuô̆k hô̆i, pơxiâm po hneăng hôp roh má 11 dêi Vi ƀan pơkuâ cheăng Kuô̆k hô̆i. Hneăng hôp mê, Vi ƀan pơkuâ Kuô̆k hô̆i hnê tối ƀă 11 tơdroăng kal, Mê cho: tơbleăng tối tơ’nôm tơdroăng pêi pro mơnhông cheăng kâ-rêh ối ƀă liăn ngân tơnêi têa hơnăm 2021, tơdroăng tơbleăng pêi pơkâ mơnhông cheăng kâ rêh ối ƀă liăn ngân tơnêi têa tung mâu khế apoăng hơnăm kố, tơbleăng tơdroăng séa ngăn tơdroăng tơleăng mơnhên, tiâ rơkong pâ thế dêi kuăn pơlê pơtroh ăm rôh hôp má 2, Kuô̆k hô̆i hneăng 15; séa ngăn tơbleăng tơdroăng hnê tối dêi Kuô̆k hô̆i khế 4 hơnăm kố.

Pakĭng mê, ăm hnê tối ‘na tơdroăng tối tơbleăng tâi tâng mâu tơdroăng hnê tối, pâ thế dêi kuăn pơlê ƀă kuăn pơlê pơtroh ăm roh hôp má 3, Kuô̆k hô̆i  hneăng 15, ăm hnê tối ‘na tơdroăng chêh Pơkâ tơdroăng chêh tối a roh hôp Kuô̆k hô̆i  (‘mâi hơ’lêh); ăm hnê tối tơdroăng hbrâ roh hôp má 3 dêi Kuô̆k hô̆i, ƀă hên tơdroăng kal ki ê.

Gương tơplôu ƀă tơbleăng