VOV4.Xơ Đăng - Kơxo lơ4/5, Hneăng hôp má 5 Khu kăn xiâm Đảng hneăng 13  hiăng pơxiâm po kân krip a pơlê kong xiâm Hà Nội. Pôa Nguyễn Phú Trọng, Kăn xiâm pơkuâ hnê ngăn Đảng pơkuâ hneăng hôp ai ƀai pơchuât tơbleăng hâi pơxiâm po ki  khât dêi hneăng hôp. Klêi tối nhên tŭm mâu tơdroăng ki kal ‘na 6 tơdroăng dêi roh hôp, pôa Nguyễn Phú Trọng tối nhên, tơdroăng pơtroh ăm hneăng hôp Khu xiâm tơnêi têa rôh kố cho mâu tơdroăng ki kân, ki pá ƀă thế ‘nâi tơtrŏng ƀă tơdroăng  pêi pro vâ châ tơ-ƀrê tơdroăng Pơkâ hneăng hôp má 13 dêi Đảng tung mâu tơdroăng ki kal môi tiah: 

Mơdêk mơnhông tơ[rê cheăng kâ rêh ối dêi tơnêi têa troh hơnăm 2030, pơkâ pêi troh hơnăm 2045; mơdêk mơjiâng, ‘mâi rơnêu Đảng ƀă tơdroăng kal kí rế le\m, rơdêi tung tâi tâng ing tíu xiâm tơnêi têa, ing cheăm, tơring, kong pơlê, ai tiô púi vâ rế ton rế tơƀrêtiô túa pơ’lêh nếo nôkố.

Pơxiâm po hneăng hôp Tíu xiâm má 5 hneăng 13

Pôa Nguyễn Phú Trọng pơkâ thế, Tíu xiâm Đảng potối rak vế hnoăng cheăng, tơkŭm tí tăng ‘nâi plĕng, tơpui tơno nhên, veăng hnê tối klêi ƀă séa ngăn, pơkâ a mơ’nui roh hôp. Malối, kal mơhno nhên xiâm, klêi mê ‘mâi rơnêu ƀă pơkâ mâu troăng rơhlâ tơkâ luâ xơpá tung la ngiâ. Tiô tối hdrối hneăng hôp po ta troh hâi lơ 10/5.

Gương tơplôu ƀă tơbleăng