VOV4.Xơ Đăng - Kơxo lơ 21/6, pôa Phạm Minh Chính, Ngế pro xiâm hnê ngăn tơnêi têa hiăng pơkuâ Hneăng hôp tơbleăng pơkâ pêi ƀă mơhnhôk mơ’no liăn cheăng kơpong tơbăng kroăng Cửa Long hneăng hơnăm 2021 – 2030 a hâi lơ 21 khế 6 hơnăm 2022 a Pơlê kong kân Cần Thơ ƀă tơdroăng ki veăng dêi mâu khu cheăng, khu xiâm, kơvâ cheăng tơnêi têa, mâu kong pơlê kơpong tơbăng kroăng Cửu Long, Pơlê kong kân Hồ Chí Minh, mâu khu mơ’no liăn cheăng, khu tê mơdró, khu tơrŭm mơnhông mơdêk, mâu ngế hriăn plĕng rơkê ƀă mơngế cheăng khoa hok.

Tâi tâng a hneăng hôp

Hneăng hôp hiăng tơbleăng tơdroăng pêi pro dêi Chin phuh ‘na troăng mơnhông mơdêk cheăng kâ – rêh ối pơlê pơla ƀă tơniăn cheăng lêng, gâk kring kơpong tơbăng kroăng Cửu Long tiô pơkâ dêi Luât pơkâ pêi; mơhnhôk mơ’no liăn cheăng ăm kơpong tơbăng kroăng Cửu Long. A hneăng hôp mâu kăn teăng mâ tơkŭm tơpui tơno a mâu tơdroăng xiâm ‘na Pơkâ pêi kơpong tơbăng kroăng Cửu Long hneăng hơnăm 2021 – 2030, tơmiât pêi troh hơnăm 2050.

Pôa Phạm Minh Chính tối nhên, kal mơnhông mơdêk mâu tơdroăng mơ-eăm, ki málối cho kuăn mơngế, pơkâ thế mơnhông mơdêk rĕng ƀă krá tơniăn, tơtro ƀă tíu pêi cheăng, hnoăng cheăng pêi ton xŏn dêi kơpong; ngăn kố cho hnoăng pêi đi đo, ki xiâm, ai pơxúa kal khât ƀă tơdroăng mơdêk dêi mâu kong pơlê tung kơpong ƀă lâp tơnêi têa.

A Sa Ly tơplôu ƀă tơbleăng