Ing hneăng hôp tơpui tơno, khu tơrŭm cheăng púi vâ  mâu ngế rơkê rơtế ƀă dêi rơpó mơnhên ki hlo khât dêi Biển Đông ƀă tung kơpong, mơnhên mâu luât pơkâ ‘mâi rơnêu tơdjuôm, ‘nâi nhên mâu luât pơkâ tŏng kum mơdêk tuăn loi ƀă tơrŭm cheăng, mơnhên mâu tơdroăng pêi pro ki tơdjâk ‘mêi troh vâ pro tơniăn ngăn tiô luât pơkâ ƀă ki rế hơkăng.

Hneăng hôp tơpui tơno mê xuân tơkŭm tơpui ‘na tơdroăng pơloăng mơnúa vâ mâu lêng a têa kơxĭ ƀă mâu luât pơkâ tung kơpong kô veăng ‘no hnoăng mơjiâng, la ngiâ pêi mâu tơdroăng pơkâ xúa môi Biển Đông tơniăn tâ.

Hneăng hôp lâp plâi tơnêi ‘na Biển Đông rôh má 15 ai 8 rôh hôp tơpui ‘na mâu tơdroăng pơxá, mê cho: Mâu kong têa ki kân ƀă mâu hnoăng cheăng ki kân - tơrŭm ƀă rơtế tơdjuôm tung rêh ối tung pơla ai tơdroăng tơbriât cheăng rế tâk; tơdroăng vâ achê hên troăng ‘na Biển Đông; tơdroăng ‘na luât tơbriât pêi pro tro luât; hnoăng cheăng dêi Kăn sát têa kơxĭ tung mơdêk hnoăng cheăng kring vế tơrŭm  a Biển Đông ƀă hía hé.