Pơxá “Pơtối rak ki rơdêi môi tuăn hdroâng mơngế, mơdêk môi tuăn, tơ’noăng mơjiâng ƀă mơnhông Pơlê kong kân Hồ Chí MInh rơkê plĕng, tiô túa nếo, hmâ tơrŭm”. Hneăng hôp rôh kố kô tơbleăng tơdroăng hiăng pêi pro, rah xo Pơkâ Hneăng hôp mâu kăn pơlê kong kân rôh má 11, Hneăng hơnăm 2019- 2024; tối mâu tơdroăng ki tro, mơhno mâu tơdroăng ki pá, hâi teăm pêi ing mê hriâm túa cheăng; pơkâ mâu tơdroăng cheăng kal, mâu tơdroăng pêi pro dêi Măt trâ̆n tơnêi têa dêi Pơlê kong kân hneăng 2024-2029.

Ing mê, vâ pơtối rak hnoăng cheăng, ki rơdêi dế Măt trâ̆n Tơnêi têa tung tơdroăng tơkŭm mâu khu râ kuăn pơlê, mơhnhôk tơ’noăng rơtế ƀă tơdroăng mơhnhôk pêi pro; môi tuăn dêi rơpó tung kuăn pơlê, séa ngăn, veăng pêi mâu tơdroăng cheăng krê, tơdroăng cheăng tơdjuôm, veăng mơjiâng Đảng, mơjiâng khu kăn krúa rơdêi; pơtối rak ki rơdêi môi tuăn tâi tâng hdroâng mơngế tung mơjiâng mơnhông pơlê kong kân.