VOV4.Xơ Đăng - Kơxo lơ 23/5, a Hngêi Kuô̆k hô̆i, pơlê kong xiâm Hà Nội kô pơxiâm po rôh hôp má 3, Kuô̆k hô̆i hneăng 15. Tiô tơdroăng tối, tơdroăng roh hôp po tung pơla 19 hâi (Tiô tối hdrối mơgêi a hâi lơ 16/6/2022). Kố cho rôh hôp tơkŭm apoăng klêi 2 hơnăm tơdjâk dêi pơreăng COVID-19. Rôh hôp má 3, Kuô̆k hô̆i hneăng 15 po tung pơla lâp tơnêi têa dế pơtối tơbleăng pêi kơtăng trâu rơdâ, tơ-brê tơdroăng hbrâ mơdât COVID-19 ƀă Tơdroăng ‘mâi mơnhông mơdêk cheăng kâ rêh ối; malối hneăng hôp roh má 5 Khu kăn tíu xiâm Đảng hneăng 13 nếo mơgêi tơniăn lĕm, pro mơhnhôk mơdêk mơ-eăm pêi tơ-brê tơdroăng pơkâ hneăng hôp 13 dêi Đảng tung tơdroăng ki nếo.

A rôh hôp, Kuô̆k hô̆i séa ngăn, tơbleăng 5 tơdroăng tơkêa Luât, 3 tơdroăng chêh pơkâ ƀă ăm hnê tối ƀă 6 tơdroăng tơkêa luât  ki ê. Kuô̆k hô̆i  xuân ‘măn hên chôu vâ séa ngăn mâu tơdroăng ‘na cheăng kâ - rêh ối, liăn ngân tơnêi têa ƀă pơkâ hên tơdroăng kal ki ê dêi tơnêi têa.

Gương tơplôu ƀă tơbleăng