VOV4.Xơ Đăng - Drêng rôh lăm pôu păng ‘nâng Việt Nam dêi pôa Om Birla, kăn xiâm hnê ngăn Kuô̆k hô̆i râ má péa Ấn Độ, kơxê măng lơ 19/4, Kŏng ti Tơlo liăn Khu xiâm ngăn ‘na tơ-[ai Vietjet tơkŭm po leh tơbleăng mâu troăng kơneăng nếo troh Ấn Độ, tung mê, ai Hà Nội – Mumbai, Pơlê kong kân Hồ Chí Minh – Mumbai, Phú Quốc – New Delhi ƀă Phú Quốc Mumbai, hdró tơdroăng ki vêh po mâu tơdroăng cheăng dêi khu pơkuâ tơƀai a tơnêi têa 1,4 rơtal pơ’leăng mâ mơngế.

Tơbleăng mâu troăng kơneăng nếo troh Ấn Độ

Tơdroăng kố châ tơbleăng ƀă tơdroăng ki veăng châ mơnhên dêi pôa Vương Đình Huệ, kăn xiâm hnê ngăn Kuô̆k hô̆i; pôa Om Birla, kăn xiâm hnê ngăn Kuô̆k hô̆i râ má péa, pôa Lê Minh Khái, Ngế pro xiâm phŏ hnê ngăn tơnêi têa. Mâu troăng kơneăng sap ing Pơlê kong kân Hồ Chí Minh troh Mumbai châ po sap ing hâi lơ 2/6 ƀă lơ 3/6, ƀă ki kơneăng 4 rôh kơneăng lăm kơneăng vêh ƀă 3 rôh kơneăng tơvêh kơneăng lăm rêm măng tĭng ăm mâu rôh kơneăng.

Troăng kơneăng Phú Quốc – Mumbai châ po ƀă rôh kơneăng 4 rôh kơneăng lăm kơneăng vêh tung môi măng tĭng ƀă troăng kơneăng Phú Quốc – New Delhi ƀă 3 rôh kơneăng lăm kơneăng nêh rêm măng tĭng, pơxiâm ăm kơneăng sap ing lơ 8/9 ƀă lơ 99/9.

Katarina Nga tơplôu [ă tơbleăng