VOV4.Xơ Đăng - Mơđah tơbleăng um ‘’Pơlê kong kân Hồ Chí Minh - 47 hơnăm rơtế ƀă lâp tơnêi têa, xua lâp tơnêi têa’’ hiăng pơxiâm po  a hâi lơ 27/4 a kơphô̆ prôk chêng Nguyễn Huệ, Pơlê kong kân Hồ Chí Minh. Mơđah tơbleăng um po sap hâi lơ 27/4 troh hâi lơ 7/5 a 4 tíu : troăng Nguyễn Huệ, troăng Đồng Khởi, achê Kŏng viên Chi Lăng ƀă Cung văn hóa Lao đông, Pơlê krâm 1. A troăng Nguyễn Huệ ƀă troăng Đồng Khởi, khu tơkŭm po tơbleăng 90 kơtâ um tơbleăng ‘na tơdroăng plâ ƀlêi trâng hơnăm 1975 ƀă mâu um mơhno hnoăng veăng ‘no ki kal dêi Pơlê kong kân Hồ Chí Minh ƀă tơdroăng cheăng pơ’lêh nếo ƀă hnoăng tơchoâm dêi lâp tơnêi têa tung tŭm tơdroăng cheăng kâ, mơhno túa lê̆m tro, hnê hriâm hnê mơjiâng tuăn ngôa rơkê, cheăng khoa hok kơmăi kơmok; mơdêk tơrŭm trâm mâ, hôp tơpui tơno ƀă mâu kong têa tung lâp plâi tơnêi, vâ pro tơ’lêi hlâu ăm khu mơdró tung tơnêi têa ƀă kong têa ê tơrŭm cheăng, ‘no liăn, mơnhông mơdêk tung kơphô̆.

Gương tơplôu ƀă tơbleăng