VOV4.Xơ Đăng - Hâi lơ 19/5, a pơlê kong kơdrâm Plei Ku tơkŭm po mơđah tơbleăng ‘’Mâu tơdroăng châ tơƀrê ‘na kal kí, cheăng kâ, mơhno túa lĕm tro dêi kong pơlê Gia Lai’’. Mơđah tơbleăng kố po măng tĭng leh mâu tơdroăng kal koh phiu ro 90 hơnăm mơjiâng kong pơlê Gia Lai, châ tơkŭm po sap ing kố troh tâi hâi lơ 25/5.

Kuăn pơlê dêi pơlê kong kơdrâm Plei Ku lăm ngăn tíu mơđah tơbleăng

Ƀă 240 kơtâ um, mơ-éa chêh tơdroăng kal xiâm, lơgât châ mơđah tơbleăng a tíu plông Tíu chôu ‘măn tơmeăm khoăng ton nah kong pơlê Gia Lai, mơđah tơbleăng '‘Mâu tơdroăng châ tơƀrê ‘na kal kí, cheăng kâ, mơhno túa lĕm tro dêi kong pơlê Gia Lai’’ tơkŭm tung 4 tơdroăng xiâm, mê cho: Tíu chôu ‘măn tơmeăm khoăng ton nah tơnêi têa Rộc Tưng – Gò Đá; Tíu chôu ‘măn tơmeăm khoăng ton nah ki má môi Tây Sơn Thượng Đạo; kơpong ‘măn nhâ loăng pơlái kuăn kiâ kong tơbăng kân rơdâ Kon Hà Nừng ƀă mâu tơdroăng châ tơƀrê cheăng kâ, rêh ối pơlê pơla, mơhno khôi túa lĕm tro dêi Gia Lai tung 90 hơnăm mơjiâng ƀă mơnhông mơdêk.

Tung mê, ki tơtrŏng má môi cho hên um ki kơnâ ‘na đông kăch măng K10, môi tung tíu ƀlêi trâng kal dêi khu lêng ƀă kuăn pơlê tung tơplâ xâ Mih ƀă tơdroăng rêh ối dêi kuăn pơlê Gia Lai tung mâu hơnăm apoăng tơleăng lĕm 1975.

A Sa Ly tơplôu ƀă tơbleăng