Hneăng hôp hiăng mơdoh hên tơpui, tối nhên, tối mâu luât pơkâ pêi, luât tŏng kum mơnhông cheăng kâ -rêh ối kơpong Tây Nguyên ƀă tối tơbleăng mâu tơdroăng cheăng kal pêi, luât pơkâ tŏng kum ăm kơpong.

Tơbleăng mơgêi hneăng hôp, pôa Trần Lưu Quang, Ngế pro xiâm phŏ hnê ngăn Chin phuh, Kăn hnê ngăn Hô̆i đong xing xoăng tơdroăng cheăng pêi kơpong Tây Nguyên tối tiah kố hneăng hôp kố châ ngăn cho rôh ki pơxiâm vâ tơpui tơdroăng tơdâh xo tơdroăng cheăng pêi ki nếo, mơjiâng pơâ, troăng ki vâ pêi, mơni hrá la thế krá kak. Tung mê, malối thế rĕng mơjiâng pro luât pơkâ tung tâi tâng kơpong vâ ing mê tah tơdroăng xơpá, pro xiâm vâ mơnhông tơƀrê kơpong Tây Nguyên.