Tơdroăng tơkêa pro troăng kâ tơdrăng lĕm sap Khánh Hòa - Ƀuôn Ma Thuột tâi tâng ki xŏn gá lối 117 km. Tung mê, pơla troăng tơkâ luâ  kong pơlê Khánh Hoà xŏn lối 32,7km, ƀă tâi tâng kơxô̆ liăn pro lối 5 rơpâu 600 rơtal liăn. Tơdroăng tơkêa pro châ pơxiâm pro a tơdế khế 6/2023, tiô tối hdrối a hơnăm 2026. Mâu tíu pêi cheăng ki mơjiâng pro dé po, tơbêng tơnêi a mâu tíu vâ pro ki hiăng pơcháu pro.

Troh nôkố, kơxô̆ liăn ‘no pro troăng ki vâ tơkâ luâ kong pơlê Khánh Hòa hiăng châ xo kơxô̆ liăn pro 71,8% tiô pơkâ tung hơnăm 2023. Vâ tơbleăng pêi tơdroăng tơkêa bro, kal tơnêi ki pro 230 ha ƀă 970 ngế ki tro tơdjâk. Tơdroăng tơkêa pro xuân ai vâ chê 23 ha tơnêi kong kal thế pơ’lêh xúa tơnêi chiâng tơnêi ki ê vâ pro troăng.