Ăm hlá mơ-éa mơnhên hnoăng xúa tơnêi ối tơvâ hên tơdroăng, môi tiah dêi rơpó dế cho tơdroăng ki hlo hên  a kong pơlê Dak Nông. Laga, tơdroăng pro hlá mơ-éa mê ton ‘nâng pro kuăn pơlê trâm hên xơpá ƀă pro chiâng ai tơdroăng tơhôu dêi rơpó, tô tuăn, chiâng hêng hôu.

Tung pơla séa ngăn, pôa Lưu Văn Trung, Kăn hnê ngăn Hô̆i đong kong pơlê Dak Nông xuân tối hên tơdroăng ing kuăn pơlê tối ‘na tơdroăng tơvâ tơvân, hlá mơ-éa mơnhên xúa tơnêi chêh môi tiah, chêh ôh ta tro. Tơdroăng kố xua hên xiâm mâu tơdroăng, tá tơdroăng ki tơngôu ƀă ôh tá ƀĕng ê, la ki vâ tối cho tơdroăng mơnhên tung pro hlá mơ-éa ai mâu tíu ki ‘nâ hâi tơtro, thăm nếo ôh tá rĕng tơmâng.

Tiâ tơdroăng kơ-êng dêi mâu kăn Hô̆i đong kong pơlê, pôa Nguyễn Văn Hiệp, Ngế pơkuâ ngăn ‘na tơmeăm khoăng têa tơnêi ki ai ƀă hyôh kong prâi Dak Nông tối, hiăng ai hlá mơ-éa hnê pro hlá mơ-éa, mâu ngế ki pro ăm tơvâ tơvân, chêh môi tiah a hlá mơ-éa mơnhên xúa tơnêi. Ing mê, vâ tối tiô luât, kơ koan khu râ pơkuâ bú  xo tơvế ƀă pro ăm mơ-éa ki nếo vâ tơtro ƀă tơnêi ki ai khât.