A rôh hôp kố, mâu kăn tơkŭm tơpui tơno ‘na pơkâ thế mơjiâng Luât pơkuâ ngăn, xúa pháu hnêa, trếo pơtôu ƀă kế tơmeăm ki ê; pơkâ thế mơjiâng Luât ki ‘mâi rơnêu, ‘mot tơ’nôm mâu tơdroăng dêi Luât Mơđah tơbleăng; tơdroăng pơkâ dêi hlá mơ-éa pơkâ nhên ƀă hnê mơhno pêi pro mâu Luât luât pơkâ, tơdroăng pơkâ dêi Kuô̆k hô̆i, Vi ƀan pơkuâ Kuô̆k hô̆i hiăng châ xêt khât ‘na luât, tơdroăng pơkâ dêi Kuô̆k hô̆i, Vi ƀan pơkuâ Kuô̆k hô̆i.

Tơpui a rôh hôp, pôa Phạm Minh Chính tối nhên tơdroăng ki mơdêk hơ’lêh, poê kơdroh mâu hlá mơ-éa, kơdroh pâ – ăm, kơdroh kơxô̆ liăn hrê pêi pro kơtăng, tơtrâ mâu tơdroăng ki pro ôh tá tro, pro tơ’lêi hlâu ăm kuăn pơlê ƀă khu mơdró kâ rơtế xing xoăng liăn ăm tơtro ƀă mơdêk séa ngăn tâi tâng mâu tơdroăng kal ki lâi rak, tơdroăng ki lâi kal pêi klêi, ‘mot tơ’nôm, tơdroăng kal ki lâi kal tah lôi.

Ngế pro xiâm hnê ngăn tơnêi têa ăm ‘nâi tiah kố, mâu tơdroăng ki kal dêi rôh hôp kố pơrá cho mâu tơdroăng ki kal; mâu kăn tơkŭm hiâm mơno, tơpui tơno ‘na mâu tơdroăng ki kal, ối ai rơkong tơpui tối ki phá ra phá dêi pó, rak tơniăn tơdroăng ki pêi, ki rơkê dêi rôh hôp.