A rôh hôp mâu kăn xiâm kơvâ cheăng, kong pơlê tơpui tối leăng ƀă mơ’no tơdroăng ‘mâi rơnêu mâu tơdroăng ki tơvâ, ôh tá tơdrăng dêi hlá mơ-éa luât pơkâ nôkố ƀă tơdroăng ki mơnhông mơdêk cheăng kâ, rêh ối pơlê pơla.

Pơkâ mơ’no a rôh hôp tối nhên mâu kơ koan, ngế ki ai hnoăng pơkuâ pơkâ mơ’no hlá mơ-éa luât pơkâ ƀă mâu kơ koan, tíu pêi cheăng ki ai tơdjâk ai hnoăng cheăng hriăn ngăn, xúa klêi kơ’nâi séa ngăn a rôh Tối tơbleăng dêi Chin phuh ‘na klêi kơ’nâi séa ngăn hlá mơ-éa luât pơkâ vâ hriăn ngăn, hbrâ rơnáu pơkâ mơ’no pơkâ tơleăng mâu tơdroăng ki kal tá hâi tơtro, tá hâi tơdrăng, tung pơla pêi pro hnoăng cheăng dêi tơná ‘na mơjiâng ƀă pro klêi troăng hơlâ luât.

Mơgêi rôh hôp, pôa Lê Minh Khái, Ngế pro xiâm phŏ hnê ngăn tơnêi têa pơkâ thế Khu ki chêh bro pơtối tơmâng xo mâu rơkong tơpui tối, vâ pêi klêi tối tơbleăng vâ hâi lơ 26/9 pơtroh ăm Chin phuh tơbleăng ƀă tơbleăng ăm Kuô̆k hô̆i tung hneăng hôp má 6 la ngiâ.