VOV4.Xơ Đăng - Hâi lơ 22/4, a tíu pêi cheăng Chin phuh, pôa Phạm Minh Bình Minh, Ngế pro xiâm phŏ hnê ngăn má môi Chin phuh Việt Nam tơdah Ƀok Ka-di-nal  Miroslaw Wachowski, Kăn phŏ tơpui kâ Tíu xiâm pơkuâ ngăn tơdroăng khôp Pâ Xeăng lâp plâi tơnêi Vatican klăng roh lăm pôu pêi cheăng a Việt Nam ƀă veăng pơkuâ roh hôp 9 Khu pêi cheăng Việt Nam –  Tíu xiâm pơkuâ ngăn tơdroăng khôp Pâ Xeăng lâp plâi tơnêi Vatican. Pôa Phạm Bình Minh tối phiu ro troăng mơnhông mơdêk châ tơƀrê dêi Việt Nam ƀă Vatican.

Ƀok Ka-di-nal Miroslaw Wachowski mơnê tơdroăng tơdah dêi Chin phuh Việt Nam ƀă tối tơbleăng Ƀok Papa Francis ƀă Tíu xiâm pơkuâ ngăn tơdroăng khôp Pâ Xeăng lâp plâi tơnêi đi đo pói vâ tơrŭm pơla Việt Nam ƀă Tíu xiâm pơkuâ ngăn tơdroăng khôp Pâ Xeăng lâp plâi tơnêi rế hía rế mơnhông mơdêk, pro tơ’lêi hlâu vâ kuăn khôp Pâ Xeăng Việt Nam veăng kum hên ăm tơdroăng mơnhông mơdêk tơnêi têa.

{ok Ka-di-nal xuân môi tuăn mâu troăng thăm tơrŭm cheăng pơla péa pâ tung la ngiâ, ki rơhêng vâ tối thăm trâm mâ đi đo pơla péa pâ ƀă rak troăng tơpui tơno kơ-êng ki dế ai nôkố.

A Sa Ly tơplôu [ă tơbleăng