Hneăng hôp cho tơdroăng kal kí ki kal kân dêi hơnăm ối nếo, hâi mơdĭng tơrŭm lâp lu mâu rơxông droh rơtăm Việt Nam pâ nhuô̆m tơnêi têa, hdró hvêa chêng prôk mơnhông nếo dêi khu tơrŭm Hô̆i ƀă ƀă tơdroăng droh rơtăm.

Veăng hôp a Hneăng hôp ai 980 ngế, teăng mâ ăm 21 rơtuh ngế kăn ƀô̆, mơngế tung khu, droh rơtăm tung lâp tơnêi têa. Ƀă tơdroăng pêi pro: Droh rơtăm Việt Nam mot tung chal ki nếo”, Hneăng hôp Khu droh rơtăm Việt Nam rôh má 9 po mơgêi, mơnhên tối tơdroăng cheăng Hô̆i ƀă tơdroăng droh rơtăm hneăng 8; mơjiâng pơkâ, hnoăng cheăng, troăng hơlâ pêi cheăng Hô̆i ƀă tơdroăng droh rơtăm hneăng 9 (2024 – 2029); Tơrŭm pơtroh Vi ƀan Tơnêi têa Khu droh rơtăm Việt Nam hneăng 9 (pơla hơnăm 2024 – 2029).