Tối tơbleăng a hneăng hôp, Ngế xiâm pơkuâ Tíu cheăng xiâm tơnêi têa Trương Thị Mai tối nhên pơkâ pơtối mơnhông tơdroăng séa ngăn, tí tăng ngăn kal tơkŭm pêi a mâu tơdroăng cheăng, tung kơpong ki kal ki tơ’lêi kâ kơluâ, pro tơdroăng ôh tá tro.

Krê ƀă tơdroăng séa ngăn drêng hlo ai pro xôi, jâ Trương Thị Mai tối, kố cho tơdroăng pêi ki kal dêi Vi ƀan Séa ngăn Tíu xiâm tơnêi têa ƀă Vi ƀan rêm râ, ing mê sap apoăng hneăng ta troh nôkố, klêi séa ngăn ăm hlo ki xôi ai lối 1 rơpâu 400 khu tơrŭm cheăng Đảng ƀă lối 66 rơpâu ngế đảng viên tro pơxâu. Tung kơxô̆ mâu kăn ƀô̆ ki tro pơxâu phâk mê ai 83 ngế kăn ƀô̆ cheăng tung Tíu xiâm rak ngăn.

Jâ Trương Thị Mai pơkâ thế, tơdroăng séa ngăn tí tăng ngăn thế tơtrŏng pêi nhên, vâ tro khât, teăm châ ‘nâi mâu ngế ki pro xôi ki ê nếo  vâ teăm pơxâu phak.