VOV4.Xơ Đăng - Hâi lơ 27/4, a Hà Nội, Khu xiâm pơkuâ ngăn lêng tơkŭm po Rôh hôp ‘no tơdrêng ing troăng hyôh Internet lâp tơnêi têa hnê hriâm Luât tơkăng kong Việt Nam ƀă mâu hlá mơ-éa pơkâ ki nhên. Luât Tơkăng kong Việt Nam châ Kuô̆k hô̆i tơbleăng hâi lơ 11/11/2020, châ xêt khât pêi pro sap hâi lơ 1/1/2022. A rôh hôp, mâu kăn hiăng châ tơmâng hên tơdroăng ki kal dêi Luât Tơkăng kong Việt Nam ƀă mâu hlá mơ-éa pơkâ nhên pêi pro Luât.

Tiah mê Luât Tơkăng kong Viẹt Nam pơkâ tŭm, tâi tâng, nhên ‘na rak vế hnoăng pơkuâ tơnêi tơníu, tơkăng kong dêi Tơnêi têa. Malối cho pơkâ nhên hnoăng cheăng dêi rêm râ, mâu kơvâ cheăng, khu lêng kring vế ƀă tá khu pơkuâ tơdroăng kal kí tung mơjiâng, rak ngăn, rak vế tíu tơkăng kong tơnêi têa. Luât xuân mơnhên Khu mố đô̆i gak tơkăng kong cho môi tung mâu kơ koan ki pơkuâ xiâm gak kring tơnêi têa a kơpong tơkăng kong, châ xúa mâu troăng hơlâ gak kring tơnêi têa tiô pơkâ.

Katarina Nga tơplôu ƀă tơbleăng