Veăng hôp a rôh hôp vâi hdrêng tơnêi têa rôh má 7 (po sap ing hâi lơ 5  troh 8/8) cho 188 ngế hdrêng lo ing hên kơpong tơnêi tung lâp tơnêi têa. Mâu vâi o cho mâu ngế ki kơhnâ rơkê, châ rah xo sap ing 43 to kong pơlê, pơlê kong kân, tíu pêi cheăng, teăng mâ ăm 25 rơtuh ngế vâi hdrêng tung lâp tơnêi têa veăng hôp a rôh hôp kố.

A rôh hôp vâi hdrêng tơnêi têa rôh kố, mâu vâi o châ trâm mâ, tơpui tơno ƀă tơpui tối mâu tơdroăng ki tơná vâ mâu tơdroăng ki tơngah dêi mâu vâi pú a kong pơlê tơná, hngêi trung hriâm tơná troh ƀă mâu kăn pơkuâ ‘na mâu tơdroăng dêi vâi hdrêng. 5 khu tơdroăng châ mâu vâi o tơpui, mơ’no tơdroăng ƀă pâ thế vâ mâu ngế ki kân mơni vâ tŏng kum mâu vâi o môi tiah: Veăng hbrâ mơdât xiăn pâm, ‘nêk mơ’nêa vai hdrêng; Veăng hbrâ mơdât kơdroh mâu tơdroăng ki tro rong, klâk têa, tơklô̆m rơxế; Veăng rak vế vâi hdrêng tung măng; Veăng hbrâ ví kong prâi pro hơ’lêh, pơreăng tâ tú; Veăng hbrâ mơdât ‘na mâu tơdroăng ki xúa mâu vâi hdrêng pêi cheăng tá hâi tro hơnăm ôh tá tro luât ƀă mâu tơdroăng ki ê ki mâu vâi o kal vâ ‘nâi plĕng.