Tơpui hnê mơhno a Rôh hôp, pôa Trần Thanh Mẫn, Kăn xiâm hnê ngăn Kuô̆k hô̆i tơmâng xo ƀă khê̆n kơdeăn tơdroăng cheăng dêi Ƀơrô cheăng Kuô̆k hô̆i, mâu kơ koan, tíu pêi cheăng hiăng mơeăm hên, tŏng gum pêi hên mâu tơdroăng cheăng ki kal ƀă mâu tơdroăng ki pêi pro ƀlêi chiâng tâ.

Tối nhên hơnăm 2025 cho hơnăm ki po Hneăng hôp Đảng ƀô̆ rêm râ, tơmiât troh Hneăng hôp mâu kăn lâp tơnêi têa rôh má 14 dêi Đảng; hbrâ ăm rôh tâ phĭu khu kăn Kuô̆k hô̆i hneăng 16 ƀă pôk kăn Hô̆i đong hnê ngăn rêm râ pơla hơnăm 2026 – 2031; hơnăm ki po mâu tơdroăng cheăng kal kí ki kal môi tiah tơbâ 95 hơnăm hâi mơjiâng Đảng, 135 hơnăm hâi kot mâ kăn xiâm hnê ngăn tơnêi têa Hồ Chí Minh, 50 hơnăm hâi tơleăng lĕm peăng hdroh, pro tơnêi têa tơrŭm chiâng môi, 80 hơnăm hâi mơjiâng tơnêi têa, hbrâ tơbâ 80 hơnăm hâi pôk kăn xiâm hnê ngăn Kuô̆k hô̆i Việt Namki apoăng, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế Ƀơrô cheăng Kuô̆k hô̆i, Đảng ủi kơ koan ƀă Công đoàn pơtối mơdêk hiâm mơno pôu râng, tơryŭm, tơmiât rơkê vâ pêi klêi rơkê hnoăng cheăng châ pơcháu.