Rôh hôp châ mơ’no tơdrêng (4 râ) ing tíu pêi cheăng Chin phuh troh mâu khu xiâm, kơvâ cheăng, mâu kong pơlê, pơlê kong kân ối tung Tơnêi têa, mâu kong pơlê râ tơring, râ cheăm. Klêi kơ’nâi hmâng mâu rơkong tơpui tối, mơgêi rôh hôp pôa Phạm Minh Chính, Ngế pro xiâm hnê ngăn tơnêi têa tối nhên hiâm mơno hnê mơhno cho bu tơpui pêi ôh tá chiâng ton tơrŏng, rế pêi rế ‘nâi mâu tơdroăng ki rế hía rế po rơdâ, ôh ti xê tơpréa, pôi tá chiâng tối ôh, pôi tá chiâng tối pá, pôi tá chiâng tối ai la ôh tá pêi.

‘Na mâu tơdroăng vâ pêi Ngế pro xiâm hnê ngăn tơnêi têa tối nhên, rêm ngế kuăn pơlê Việt Nam tá mâu ngế ki tá hâi ai theh Baoh hiâm  khăm pơlât pơrá châ xúa môi to sôh chêh tối ivá điê̆n tưh tung ứng dụng VneID. Troh apoăng hơnăm 2025, tâi tâng tíu khăm pơlât (kong lâ̆p ƀă krê) ƀă ai 40 ngế kuăn pơlê xúa Sôh chêh ivá điê̆n tưh ƀă tâi tâng kuăn pơlê ki vâ châ hbru ăm lĭ lich tư pháp ing VneID.