Rôh hôp tơrŭm 5 to kong pơlê, pơlê kong kân Việt Nam – Sinuâ
Thứ ba, 13:47, 14/11/2023
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo lơ 13/11, a Hà Nội hiăng po Rôh hôp tơrŭm hang lơng cheăng kâ pơla 5 to kong pơlê, pơlê kong kân mê cho Hà Nội, Hải Phòng, Quảng Ninh, Lào Cai (Việt Nam) ƀă Bân Nam (Sinuâ) rôh má 10; tơkŭm lối 200 ngế kăn tơpui ‘na tơdroăng ‘no liăn pêi cheăng, tê mơdró; Mơhno túa lĕm tro, khăm pơlât, hnê hriâm, ôm hyô; Troăng prôk pơto chơ tơmeăm, logistic.
Kố châ ngăn cho tơdroăng tơpui kâ kân dêi Pơle kong kân Hà Nội tung pơla Việt Nam ƀă Sinuâ hiăng ƀă dế tơbleăng tơdjuôm Việt Nam – Sinuâ klêi kơ’nâi rôh lăm pôu dêi kăn xiâm pơkuâ hnê ngăn Đảng Nguyễn Phú Trọng ƀă tơbâ 15 hơnăm mơjiâng tơrŭm cheăng tơpui kâ tung la ngiâ tâi tâng hơnăm 2023.
A rôh hôp hiăng po leh kĭ tơkêa hlá mơéa chôu vế rôh hôp, kĭ tơkêa tơrŭm cheăng pơla rêm pâ, tơdrêng amê kô mơnhên tối tơdroăng ki pêi pro mâu tơdroăng ki kal tơrŭm cheăng tung Hlá mơéa chôu vế Rôh hôp má 9, tơpui ‘na troăng hơlâ vâ pêi pro tơƀrê mâu tơdroăng ki kal tơrŭm cheăng tung la ngiâ, veăng kum thăm mơdêkcheăng kâ dêi mâu kong pơlê ki tơrŭm ƀă tơrŭm ai pơxúa ăm rêm pâ tung hang lơng cheăng kâ.
Viết bình luận