Tơpui a rôh hôp, pôa Phạm Tấn Công, Kăn hnê ngăn Khu tơrŭm Tê mơdró ƀă kơmăi kơmok Việt Nam VCCI tối nhên: Ƀă tơdroăng ki ngăn hlo khu mơdró kâ cho khu ki xiâm tung mơjiâng cheăng kâ, mê khu mơdró kâ cho khu ki xiâm rak vế pơkuâ ngăn, tơdjâ khu mơdró kâ dêi tơnêi têa.

Drêng Hâi Khu mơdró kâ Việt Nam lơ 13/10, hơnăm kố khu khu mơdró tơdah xo Pơkâ 41 dêi Khu xiâm pơkuâ tơdroăng kal kí ‘Na mơjiâng ƀă mơdêk hnoăng cheăng dêi khu mơdró kâ Việt Nam tung chal nếo, ai hên tơdroăng kal ki nếo ‘na túa tơmiât, troăng pơkâ pêi ƀă troăng hơlâ mơnhông khu mơdró kâ Việt Nam tung pơla hơnăm la ngiâ, tơmiât troh pêi pro tơdroăng pơkâ ki rơhêng vâ ăm tơnêi têa pin chiâng tơnêi têa mơnhông mơdêk a hơnăm 2045.