Hâi lơ 6/9/2023, a Pơlê kong xiâm Hà Nội, pôa Nguyễn Phú Trọng, Kăn xiâm pơkuâ ngăn Đảng, pôa Samdech TechoHun Sen, Kăn xiâm ngăn Đảng Nhân dân Kul (CPP) prế pôa Thongloun Sisoulith, Kăn xiâm pơkuâ ngăn Đảng Nhân dân kăch măng Lếo, hiăng trâm mâ mâu kăn xiâm Việt Nam - Kul- Lếo.

Kố cho rôh trâm mâ ai pơxúa kal khât vâ mơnhông mơdêk tơrŭm cheăng pơla pái Đảng ƀă Kuăn pơlê pái tơnêi têa Việt Nam- Kul- Lếo  tung tơdroăng  lap plâi tơnêi, kơpong pơtối ôh ta tơniăn ƀă tŭm pái Đảng, pái tơnêi têa mot tung mâu hơnăm mơnhông mơdêk nếo.

A rôh trâm mâ, péa pâ hiăng tơbleăng ăm dêi rơpó ‘na tơdroăng rêm khu Đảng, rêm tơnêi têa, malối cho tơdroăng mơjiâng Đảng ƀă mơnhông mơdêk cheăng kâ-rêh ối  tơpui ‘na tơdroăng tung lâp plâi tơnêi, tung kơpong ki nếo a chê kố ƀă mâu tơdroăng kal pái pâ rơtế vâ ‘nâi plĕng; khĕn kơdeăn tơdroăng tơrŭm pơla pái Đảng, Pái tơnêi têa tung mâu hơnăm hdrối. Kăn xiâm pái Đảng, pái tơnêi têa tung mâu kơvâ xua vâ pro pơxúa tơdjuôm dêi kuăn pơlê pái tơnêi têa tung la ngiâ.

Pái pâ vâ môi tuăn pơtối rak vế pêi pro mâu tơdroăng pơkâ nôkố, tí tăng ‘nâi plĕng mơjiâng luât tơrŭm cheăng ki nếo vâ mơdêk tơrŭm cheăng pơla pái Đảng, pái tơnêi têa xua vâ pro pơxúa dêi kuăn pơlê pái tơnêi têa xua vâ rak hơniâp lĕm tơniăn, tơrŭm ƀă mơnhông a kơpong ƀă tung lâp plâi tơnêi.