Tung mê, hiăng mơhnhôk tơdroăng tơ’noăng tơdjuôm ivá mơjiâng hngêi pơtân, hngêi xi kơchoh, ƀă tơdroăng mơhnhôk hiăng mơjiâng nếo 12 toăng hngêi, tŏng gum 160 hâi pêi cheăng, tâi tâng kơnâ tŏng gum lối 800 rơtuh liăn; tơkŭm po hrĭng roh lo lăm pêi cheăng hâi Tĭng pêi tơdroăng lĕm, hâi ki pêi hên tơdroăng cheăng mơjiâng thôn pơlê nếo mơhnhôk vâ chê 13.500 roh đoân viên, droh rơtăm veăng. Pakĭng mê, mâu khu râ Đoân droh rơtăm kong pơlê Lâm Đồng hiăng teăm tơdrêng mơjiâng 137 khu droh rơtăm pleăng hnoăng cheăng ‘’Hnê kuăn pơlê xúa kŏng ngê̆’’, kum vâ chê 10 rơpâu kuăn pơlê chiâng xúa kŏng ngê̆.

Khu pơkuâ pêi tơdroăng cheăng Tĭnh đoân Lâm Đồng tối ăm ‘nâi tung hơnăm 2025, kô tơkŭm po ki vâ iâ 4 xôh lo lăm pêi cheăng mơjiâng thôn pơlê nếo ƀă Hâi tĭng pêi cheăng tơdroăng lĕm pơxúa vâ pêi cheăng tiah hmâ, kơnâ ƀă rêm roh ki pêi hên.