Akố, pôa Y Thanh Hà Niê Kdăm, Kăn pơkuâ ngăn Đảng Lâm Đồng pơtroh rơkong rơkâu troh Ƀok xối kân Đỗ Mạnh Hùng rơtế ƀă mâu ƀok xối, jâ chĭng ƀă tâi tâng kuăn pơlê ki tiô khôp Pâ Xeăng môi rơnó Pâ Xeăng chu chiâng kuăn mơngế tơniăn lĕm, hơniâp ro, ai hên graxia Pâ Xeăng ƀă môi hơnăm nếo tơniăn lĕm.

Kăn pơkuâ ngăn Đảng rơhêng vâ tung la ngiâ ah, Ƀok xối kân Đỗ Mạnh Hùng rơtế ƀă mâu ƀok xối, jâ chĭng tung yăo phâ̆n mơdêk hnoăng, mơhnhôk kuăn pơlê tiô Khôp tơniăn lĕm, pơtối pêi pro tro mâu troăng hơlâ pơkâ dêi Đảng, luât dêi Tơnêi têa; pêi pro tro troăng hơlâ tơmiât “pâ Pâ Xeăng, pâ tơnêi têa”, “rêh lĕm a tơnêi, lĕm ‘na mơhúa”, mơdêk hiâm mơno “ngế khôp Pâ Xeăng lĕm cho ngế kuăn pơlê ki lĕm”.

Tơdrêng amê hlối rak vế tơrŭm cheăng lĕm, kơhnâ tơpui tơno, tơrŭm krá ƀă rêm râ, mâu kơvâ cheăng dêi kong pơlê Lâm Đồng.