Tối tơbleăng hnê mơhno hneăng hôp, pôa Lương Cường Kăn xiâm hnê ngăn tơnêi têa  pơkâ thế mâu Đảng lêng Xiâm, Khu xiâm pơkuâ ngăn lêng, hnê mơhno pêi tro hnoăng cheăng tăng ‘nâi plĕng ăm Đảng, Tơnêi têa ‘na lêng, gak tơkăng kong. Hbrâ, rơkê ƀeăng, mơdêk ki rơkê tăng ‘nâi plĕng, tối hdrối, ai luât pơkâ pêi tơƀrê mâu tơdroăng, ôh tá kơdrâ.

Pakĭng mê pơtối tơmâng khât, pêi kơtăng, ai tơbrê troăng hơlâ cheăng lêng tung tâi tâng kuăn pơlê, tơplâ ‘na kuăn pơlê, kring vế tơnêi têa tung tơdroăng rêh ối nếo, ƀă troăng hơlâ “xo kuăn pơlê pro xiâm”, mơdêk ivá cheăng, pêi tơƀrê hnoăng rak ngăn tơnêi têa ‘na cheăng lêng a tâi tâng rêm râ.

Kăn xiâm hnê ngăn tơnêi têa pơkâ thế, Khu xiâm pơkuâ ngăn lêng tơkŭm tơmâng mơjiâng lêng rơkê rơdêi, pêi cheăng ƀeăn rơkê tiô túa nếo kring vế krá kak kơpong rơvâ plêng, kơpong têa kơxĭ, tung tơnêi têa, tung măng ƀă mâu tíu ki xiâm.