Tơpui a rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên klêi kơ’nâi pêi pro klêi tơdroăng têa tah hngêi ối pơtân xi kơchoh, “Tơdroăng pêi pro rĕng”, tung pơla 1 hơnăm 4 khế hiăng klêi tơdroăng ki têa tah lối 334 rơpâu toăng hngêi ối pơtân, xi kơchoh tung lâp tơnêi têa, pơhlêh chiâng mâu toăng hngêi nếo lĕm krá. Ƀă hngêi ối pơlê pơla, Ngế pro xiâm hnê ngăn tơnêi têa tối nhên mâu tơdroăng hiăng pêi tơƀrê drêng châ mơ’no pêi tung hơnăm 2025 cho pro klâi 100 rơpâu toăng hngêi ối pơlê pơla, troh nôkố hiăng pêi klêi ƀă luâ tơdroăng mơ’no.

Ƀă tơdroăng ki kố, Ngế pro xiâm hnê ngăn tơnêi têa loi, hrá má môi 2028 kô pro klêi 1 rơtuh toăng hngêi ối pơlê pơla. Ngế pro xiâm hnê ngăn tơnêi têa pơka thế mơnhông kơchô mơdró hngêi trăng tơnêi rơdêi, tơniăn; hên kơxô̆ liăn ăm hngêi trăng tơnêi tíu ing hngêi rak liăn, kơtâ phĭu, tơrŭm tơnêi têa ƀă krê ƀă hên ki ê.

Tơdroăng ki pêi pro lĕm tro; hbrâ mơdât châ yă tê hngêi trăng; tơdrêng amê hlối mơjiâng pro tíu xiâm tê mơdró hngêi trăng tơnêi, tŏng gum mâu tơdroăng ki u ối tá hâi tơleăng klêi ‘na hngêi trăng tơnêi.