Tơbleăng mơgêi hâi pêi cheăng, Kăn xiâm pơkuâ hnê ngăn Đảng pá môi hdroh nếo tối, luât pơkâ tŏng gum ƀă mơngế ai hnoăng ƀă kăch măng; tơdroăng tăng, tơkŭm kơxêng ƀă mơnhên inâi kơxêng kiâ mơngế hlâ ai hnoăng cho tơdroăng cheăng kal kí, ai pơxúa khât ‘na ki lĕm, ton nah; cho hdró hnoăng cheăng dêi Đảng, Tơnêi têa ƀă mâu ngế ki hiăng hlâ xúa tơniăn krê, hlâu hlĕng dêi tơnêi têa.

Kăn xiâm pơkuâ hnê ngăn Đảng pơkâ thế Đảng ủy Chin phuh hnê mơhno thâ séa ngăn, ‘mâi hơ’lêh, tơ’nôm luât pơkâ, luât ‘na mơngế ai hnoăng, malối cho mâu pơkâ ki ối tơvâ tơvân tung mơnhên mơngế  ai hnoăng ƀă mâu ngế tro rong râ a rôh tơplâ nah tơdroăng châi pơtối châi nếo; mơnhên mơngế ki hiăng hlâ ai hnoăng xua pêi tơdroăng cheăng pơkí; mâu hlá mơ-éa pro ôh tá tơtro ki ai khât,  hlối tĭn, pê klêi  tơdroăng pro hlá mơ-éa ki hâi klêi ‘na  luât pơkâ tŏng gum mâu ngế ăi hnoăng tơnêi têa tung hơnăm 2026.