Tơkŭm po tung 2 hâi lơ 18 ƀă lơ 20/12 kô ah, Hôp mê cho môi rôh hôp tơpui ‘na khoa hok - luât tŏng gum ai pơxúa kal khât  ƀă troăng hơlâ mơnhông tơƀrê dêi kong pơlê Lâm Đồng tung mâu hơnăm la ngiâ. Hiăng ai 21 teăng mâ kơ koan khu tơrŭm cheăng kong têa ê ƀă 10 khu teăng mâ tối vâ veăng hôp.

Pôa Đinh Văn Tuấn, Phŏ kăn hnê ngăn Vi ƀan kuăn pơlê kong pơlê Lâm Đồng ăm ‘nâi, ‘na tơnêi  tơbăng ngo Di Linh xŏn ing chêng văng Bảo Lộc troh chêng văng ngo Frenn, mê cho tơnêi dêi pơlê kong krâm Bảo Bộc ƀă 5 tơring: Bảo Lâm, Di Linh, Đức Trọng, Lâm Hà, Đơn Dương, châ  50% ƀă tơnêi dêi kong pơlê Lâm Đồng ton . Klêi tơ’mot tơdjuôm 3 kong pơlê Dak Nông, Bình Thuận ƀă Lâm Đồng, tơbăng ngo Di Linh châ khê̆n kơdeăn cho ơpong tơnêi tơkŭm tŭm ki pơxúa ‘na kong prâi, tơnêi tíu, mâu tíu pro lĕm mâ ngăn, on tơhrik krúa ƀă troăng prôk troh mâu kơpong.