A rôh hôp, Phŏ Ngế pro xiâm hnê ngăn tơnêi têa hiăng tơmâng, séa ngăn ƀă tơpui tơno, tiâ mơnhên tơdrêng tơrêm tơdroăng kơ-êng, pâ thế dêi kuăn pơlê tơdjâk troh mâu tơdroăng cheăng kâ rêh ối pơlê pơla, tơdroăng rêh ối kuăn pơlê a bêng. Ƀă tơdroăng ‘na ƀiên chê̆ thái cô, Phŏ Ngế pro xiâm hnê ngăn tơnêi têa tối nhên kố cho hnoăng dêi kong pơlê, la kal pơkâ kơtăng “ai hok tro mê athế ai thái cô”, rak tơniăn tŭm hnoăng hriâm tâp ƀă ki rơkê plĕng dêi tơdroăng hnê hriâm.

‘Na liăn khế dêi kăn ƀô̆, kong chưk râ cheăm, Phŏ Ngế pro xiâm hnê ngăn tơnêi têa ăm ‘nâi mâu troăng hơlâ tŏng gum dế pơtối châ ‘mot tơ’nôm, chêh pro klêi; tung pơla tá hâi pơkâ ƀảng liăn khế nếo, Tơnêi têa tiô tối hdrối hơnăm 2026 kô pơtối ‘mâi pơhlêh to liăn khế.

Phŏ Ngế pro xiâm hnê ngăn tơnêi têa tối rơdêi Bắc Ninh cho môi tíu ki thăm mơnhông kal dêi lâp tơnêi têa, ai túa pơkâ cheăng kâ kân, ki têi tâk hên, tơdroăng rêh ối kuăn pơlê ôh tá la lâi pơtê châ mơnhônh.