Hôp tối mâu tơdroăng cheăng pêi, hơnăm 2025 cho môi hơnăm hên pơloăng mơnúa, drêng ki tâk Tâi tâng tơmeăm GRDP tung kong pơlê Dak Lak riân châ 6,68%, ôh tá ai tiô tơdroăng chêh tung hlá mơ-éa mê 8% tiô tơdroăng pơkâ. Ki xiâm cho tơdroăng xo liăn ngân vâ pêi cheăng mơjiâng tơmeăm tơnêi têa ối hrá, bú dâng 43% pơkâ; tâi tâng liăn ‘no pêi cheăng tung pơlê pơla bu châ 82,5%.

Tơ’nôm a mê nếo, kong pơlê chiu pá lup hên tơmeăm xua kong mêi khía kân têa lân lu a mơ’nui hơnăm. Mơhé ôh tá châ tiô pơkâ tâk, la hơnăm 2025 a Dak Lak xuân tối hlo mơnhông cheăng kâ, pơlê pơla. Tâng pơchông ƀă hơnăm 2024, xo liăn ngân nâp ăm hngêi rak liăn tơnêi têa châ 16.490 rơtal liăn, tâk 17%, kơxô̆ liăn ki châ xo ing tơmeăm tê ăm kong têa ê dâng 2,8 rơtal USD, tâk 26% .Ing tơdroăng tối nhên, Khu pơkuâ cheăng Tỉnh ủi hiăng môi tuăn ƀă tơdroăng chêh tung hlá mơ-éa ki tâk GRDP hơnăm 2026 châ 10% (kơlo tâk péa kơxô̆), mơhno ki mơ-eăm kal kí vâ xo nếo ki mơnhông rơdêi klêi kong mêi têa lân lu.