Rơtế ƀă tơdroăng ki mơjiâng Vi ƀan tâ phĭu kăn Kuô̆k hô̆i hneăng XVI ƀă kăn Hô̆i đong hnê ngăn kong pơlê hneăng XI, tâi tâng mâu cheăm, bêng, kơpong kuăn pơlê rêh ối a kong pơlê hiăng mơjiâng Vi ƀan tâ phĭu ƀă chêh pro túa pơkâ tơkŭm tâ phĭu tro tơdroăng. Vi ƀan Măt trâ̆n Tơnêi têa Việt Nam kong pơlê hiăng tơkŭm po Rôh hôp môi tuăn rôh má môi, kơxô̆ ngế vâ môi tuăn, tơdroăng pơkâ ƀă mâu ngế ki chêh inâi vâ pro kăn.

Tiô xing xoăng, Lâm Đồng ai 17 ngế kăn Kuô̆k hô̆i; tơbleăng 153 ngế chêh inâi cheăng tung Hô̆i đong hnê ngăn kong pơlê vâ pôk 85 ngế kăn. A râ cheăm, Khu pơkuâ Vi ƀan Măt trâ̆n tơnêi têa Việt Nam mâu cheăm bêng hiăng klêi tơdroăng ki môi tuăn rôh má môi.

Ƀă tơdroăng ki hbrâ rơnáu krâu, kơtăng ƀă tơdâng, kong pơlê Lâm Đồng rế hía rế rak tơniăn tŭm rôh tâ phĭu ki khât chiâng hâi mơdĭng tâi tâng kuăn pơlê, mơnhông hnoăng pơkuâ ƀă ivá rơdêi tơrŭm tung Kuăn pơlê.