Tiô tơbleăng dêi Khu xiâm mơjiâng tơmeăm khoăng, troh nôkố, lâp tơnêi têa ai 234 tơmeăm khoăng, tơdroăng tơkêa bro  a 34 to kong pơlê, pơlê kong kân ai tŭm ivá veăng pêi, tung mê ai 148 tơdroăng tơkêa bro  pơxiâm pro 86 tơdroăng tơkêa bro  hiăng klêi, mơnúa ăm rơxê kơtâu. Tơdroăng mê tơkŭm po a hâi lơ 19/12/2025.

Ngế pro xiâm hnê ngăn tơnêi têa tối nhên, tơdroăng rôh kố pơtối mâu rôh pơxiâm pro, hiăng klêi pro tiô ki kân hdrối mê, ai pơxúa kal kí, cheăng kâ, koh hak hâi Hôp kân Tơ’noăng pâ nhoăm tơnêi têa tung lâp tơnêi têa rôh má 11 ƀă hâi Hôp kân má 14 dêi Đảng, hlối pro xiâm ki mơnhông tơƀrê cheăng kâ rĕng krá kak tung mâu hơnăm la ngiâ. Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng, kong pơlê, pơtối séa ngăn  nhên, hbrâ nhên, xoăng hnoăng cheăng nhên, tơniăn tro tiô pơka, krá lĕm.