Tơbleăng ‘na mâu tơdroăng pơkâ pêi ƀă mâu troăng hơlâ mơnhông ăm tơnêi têa dêi Việt Nam tung chal ki nếo, Ngế pro xiâm hnê ngăn tơnêi têa rơhêng vâ Nhuk tối tơdjuôm ƀă Kăn pơkuâ kong pơlê Tochigi, xuân môi tiah pôa Fukuda kăn pơkuâ pơtối môi tuăn, tơrŭm cheăng ƀă Việt Nam.

Ngế pro xiâm hnê ngăn tơnêi têa pơkâ thế kong pơlê Tochigi potối tơmâng ngăn, mơhnhôk mâu khu mơdró kâ po rơdâ ‘no liăn pêi cheăng a Việt Nam tung mâu kơvâ cheăng ki kong pơlê ai hlâu rơdêi; thăm mơnhông tơrŭm cheăng, hnê  cheăng ăm mâu ngế pêi cheăng; pro tơ’lêi hlâu ƀă pơtối ai hên troăng hơlâ tŏng gum pơxúa kal ăm 9 rơpâu ngế kuăn pơlê Việt Nam ki dế rêh ối, hriâm tâp ƀă pêi cheăng a kong pơlê.