VOV4.Xơ Đăng - Kơxê lơ 22/4, pôa Vũ Đức Đam, Ngế pro xiâm phŏ hnê ngăn tơnêi têa pơkuâ roh hôp ‘na tơdroăng hbrâ tơkŭm po Tơ’noăng peăng mâ hâi lo pá hdroh châu Á roh má 31 SEA Games 31. Tiô Khu tơkŭm po, troh nôkố, tơdroăng hbrâ tơkŭm po hneăng hôp hiăng pêi kêi, hbrâ ăm hâi tơkŭm po tơ’noăng kân má môi tung kơpong. Khu tơkŭm po SEA Games 31 hiăng kĭ ƀă hnê mơhno pêi pro mâu troăng pêi, pơkâ pêi vâ tơniăn, gâk kring; khăm pơlât ƀă séa ngăn doping; hbrâ, mơdât pơreăng COVID-19; tơdroăng tŏng kum parŏng ƀă tơdroăng tê mơdró pơlê pơla; troăng klông; hnê mơjiâng mâu ngế pleăng hnoăng cheăng; hbrâ pơxiâm leh pơxiâm po ƀă mơgêi ƀă hía hé.

Pôa Vũ Đức Đam, Ngế pro xiâm phŏ hnê ngăn tơnêi têa pơkuâ roh hôp

Pôa Vũ Đức Đam, Ngế pro xiâm phŏ hnê ngăn tơnêi têa pơkâ  mâu khu xiâm, kong pơlê pơtối tơrŭm krá tơniăn, châ tơƀrê vâ tơleăng mâu tơdroăng pá puât tiô tro hnoăng, ki má lối cho mâu tơdroăng pro hlá mơ-éa, thâ pêi kêi đeăng mâu hnoăng cheăng châ pơcháu, tơkŭm po tơtro, châ tơƀrê SEA Games 31.

A Sa Ly tơplôu [ă tơbleăng