VOV4.Xơ Đăng - Hmâ ƀă tơdroăng ki hnê a hngêi trung a tơring hngế hngo Krông Bông, kong pơlê Dak Lak, thái Nguyễn Viết Lân hiăng mơdoh hên khế hơnăm hriăn ngăn, tăng ‘nâi ‘na tơdrăng rêh ối ƀă hnoăng cheăng dêi Hồ Chí Minh. Ƀă thái, tăng ‘nâi ‘na Pôa Hồ ôh ti xê to vâ pro rế hlê plĕng ăm dêi tơná mê ối hriâm pât xêh, mơ-eăm hriâm ƀă pêi pro tiô Pôa Hồ tơrêm tơdroăng cheăng ki kŭn rêm hâi.

Kơ’nâi mâu chôu hnê a lâm, thái Nguyễn Viết Lân, thái hnê môn Tin hok, hngêi trung râ má pái phôh thong Krông Bông, tơring Krông Bông, kong pơlê Dak Lak ‘măn hên chôu ối a Tíu ‘măn rak hlá mơ-éa lơ po ngăn tung măng tí tăng ‘nâi plĕng ‘na Pôa Hồ. Ngoh Lân hơ‘muăn, mơhé hnê Tin hok la ngoh rơhêng vâ tí tăng ‘nâi plĕng ‘na hlá mơ-éa chêh mâu tơdroăng kal kí ton nah. Sap ối kŭn nah, mâu tơdroăng hơ’muăn ‘na Pôa Hồ châ nôu pâ, thái kố hơ’muăn tối ăm ngoh hiăng pro ngoh tâ rơrêk krê xêh.

Xua ing mâu tơdroăng hơ’muăn ‘na hnê hriâm dêi Pôa Hồ hiăng mot tung tuăn ngôa tơdroăng rơhêng vâ pro thái ƀă lăm hnê a kơpong kăch măng Krông Bông chiâng pơlê xiâm má 2 ki ngoh hmâ pêi tung plâ chât hơnăm hdrối nah.

“A tí tăng ‘nâi plĕng mâu tơdroăng ton nah ‘na pôa, mâu tơdroăng ton nah ki tơdjâk troh Pôa mê a xuân hâk vâ tí tăng ‘nâi plĕng. Po ngăn vâ ’nâi mâu tơdroăng kal ki nếo vâ chêh xúa tung ƀai tơná hnê ăm tơtro ‘lo tâ, ƀă pro ăm hok tro ôh tá klâi vâi chiâng rơhêng vâ hmâng. ‘Na tơdroăng cheăng Đoân Droh rơtăm mê tung pơla tơkŭm mê athế pro ti lâi vâ tơbleăng nhên mâu tơdroăng ki ai pơxúa, pro ăm hok tro rơhêng vâ hmâng, ing mê pro ăm vâi tâ hơniâp, ing mâu vâi o ki hmôu pơ kơxiâp kơmêi nah hiăng châ veăng tung mâu roh tơ’noăng pú hên, mâu khu tơrŭm  pú hên, ing mê ăm mâu vâi o hok tro hmâ achê dêi rơpó tâ’’.

Thái Nguyễn Viết Lân (ối a tơdế) xo hlá mơ-éa kơdeăn Droh rơtăm kơhnâ rơkê pêi pro mâu tơdroăng tiô rơkong Pôa Hồ hnê hơnăm 2022

Hiăng klêi hriâm Đại học Sư phạm Huế, hơnăm 2014, thái Lân châ rah xo lăm hnê a tơring Krông Bông. Hơ-ui kơ mâu vâi o hok tro pơlê cheăm hơngế  hngo kơtiê xơpá, ngoh djâ tơbleăng tâi tơdroăng ki hâk vâ dêi tơná, ki tơná hlê vâ hnê ăm hok tro. Ngoh hriĕn po ngăn măng tí tăng mâu tơdroăng chêh ‘na kal kí vâ ‘mot tung ƀai tơná hnê ăm ro hơniâp hok tro rơhêng vâ hmâng.

Rêm chôu hriâm, ngoh đi đo mơ-eăm tơpui êng hok tro, ăm mâu vâi o ai tuăn ôh tá xâu ‘nâi tơchĕng tơmiât xêh, ‘nâi mơ-eăm hriâm xêh, hriăn plĕng ki nếo ƀă kum mâu vâi o tí tăng ‘nâi tơdroăng hơniâp ro, hâk vâ hriâm tung rêm ƀai hriâm.

 Hok tro Hoàng Thị Kim Ngân, lâm 11A7, hngêi trung râ má pái phôh thong Krông Bông hơ’muăn tối:

“Á hlo thái Lân cho môi ngế kơhnâ tung hnê hriâm, kơhnâ vâ khât tơdroăng hnê, ‘nâi tơmiât tơdjêp ƀă mâu hok tro vâ hnê ăm mâu hok tro. Thái hiăng mơ-eăm hnê tâi ivá tơná hlê hnê chôa vâ ăm vâi o hlê. Thái đi đo tơmâng mâu tơdroăng ki veăng hnê tối dêi mâu hok tro nếo. Ƀă á klêi mâu rôh hriâm mê á hiăng hlê túa ki thái Lân hnê ƀă hmâng thái Lân hnê a hlê tơ’nôm hên tơdroăng ki nếo pơxúa ăm tơná ƀă mơ-eăm tâ nếo’’ .

Ôh tá xê to thái cô ki kơhnâ vâ ƀă tơdroăng hnê hriâm, thái hơnăm ối nếo Nguyẽn Viết Lân ối cho kăn ƀô̆ Đoân Droh rơtăm ki kơhnâ. Ngoh nôkố cho kăn hnê ngăn chi đoân thái cô, ngế cheăng tung khu kăn pơkuâ Đoân Droh rơtăm dêi hngêi trung  ƀă Kăn hnê ngăn Khu droh rơtăm dêi hngêi trung râ má pái phôh thong Krông Bông.

Pôa Dương Kim Thạch, Ngế pơkuâ hngêi trung râ má pái phôh thong Krông Bông ăm ‘nâi, mơhé ối nếo, tơdroăng rêh ối xơpá ƀă dế ối pơtân a hngêi ăm ối tơchoâm, kuăn ối kŭn há, kơdrâi pêi cheăng hơngế la thái Lân xuân ‘nâi xing xoăng dêi tơdroăng cheăng krê tơná vâ pê klêi hnoăng cheăng tơchoâm. Thái xuân ai hên tơdroăng hriăn plĕng ki nếo tung hnê, veăng kum mâu thái cô ki ê ‘na kŏng ngê̆ thŏng tin, malối a pơla hngêi trung thế hnê ƀă hriâm tơdrêng tung troăng hyôh Internet vâ hbrâ mơdât pơreăng COVID-19.

Pôa Dương Kim Thạch tối:

“Thái Lân cho thái hơnăm ối nếo kơhnâ ƀĕng ƀeăn rơkê ƀă kơhnâ khât tung mâu tơdroăng cheăng, tơdroăng mơhnhôk ‘na Đoân Droh rơtăm, gá pêi kơhnâ khât. Thái lăm mơhnhôk mâu ki ai tuăn hơ-ui, mâu vâi o hok tro rêm lâm, klêi mê pú hmâ vâ  vâi veăng tơlo liăn tơmeăm vâ tơkŭm mâu rôh lăm troh a mâu pơlê kum mâu vâi o vâi muăn ai ếo xâp rơnó hngíu.

Teăng mâ Đoân dêi hngêi trung xuân môi tiah Khu ngăn mâu droh rơtăm lăm pôu, hbru tơmeăm ăm jâ nôu Việt Nam khên tơnôu. Malối môi tiah hơnăm hdrối thái xuân mơdoh chôu pêi pro tơdroăng tơ’noăng tí tăng ‘nâi plĕng ‘na tuăn mơno lĕm tro dêi Hồ Chí Minh, châ kâ pri ối pá péa tung lâp tơnêi têa’’.

Thái Lân rơtế ƀă Chi đoân lăm pôu hbru tơmeăm ăm Jâ nôu Việt Nam khên tơnôu

Hok tro Hoàng Thị Kim Ngân, lâm 11A7, hngêi trung râ má pái phôh thong Krông Bông hơ’muăn tối:

“Á hlo thái Lân cho môi ngế kơhnâ tung hnê hriâm, kơhnâ vâ khât tơdroăng hnê, ‘nâi tơmiât tơdjêp ƀă mâu hok tro vâ hnê ăm mâu hok tro. Thái hiăng mơ-eăm hnê tâi ivá tơná hlê hnê chôa vâ ăm vâi o hlê. Thái đi đo tơmâng mâu tơdroăng ki veăng hnê tối dêi mâu hok tro nếo. Ƀă á klêi mâu rôh hriâm mê á hiăng hlê túa ki thái Lân hnê ƀă hmâng thái Lân hnê a hlê tơ’nôm hên tơdroăng ki nếo pơxúa ăm tơná ƀă mơ-eăm tâ nếo’’ .

Ôh tá xê to thái cô ki kơhnâ vâ ƀă tơdroăng hnê hriâm, thái hơnăm ối nếo Nguyẽn Viết Lân ối cho kăn ƀô̆ Đoân Droh rơtăm ki kơhnâ. Ngoh nôkố cho kăn hnê ngăn chi đoân thái cô, ngế cheăng tung khu kăn pơkuâ Đoân Droh rơtăm dêi hngêi trung  ƀă Kăn hnê ngăn Khu droh rơtăm dêi hngêi trung râ má pái phôh thong Krông Bông.

Pôa Dương Kim Thạch, Ngế pơkuâ hngêi trung râ má pái phôh thong Krông Bông ăm ‘nâi, mơhé ối nếo, tơdroăng rêh ối xơpá ƀă dế ối pơtân a hngêi ăm ối tơchoâm, kuăn ối kŭn há, kơdrâi pêi cheăng hơngế la thái Lân xuân ‘nâi xing xoăng dêi tơdroăng cheăng krê tơná vâ pê klêi hnoăng cheăng tơchoâm. Thái xuân ai hên tơdroăng hriăn plĕng ki nếo tung hnê, veăng kum mâu thái cô ki ê ‘na kŏng ngê̆ thŏng tin, malối a pơla hngêi trung thế hnê ƀă hriâm tơdrêng tung troăng hyôh Internet vâ hbrâ mơdât pơreăng COVID-19.

Pôa Dương Kim Thạch tối:

“Thái Lân cho thái hơnăm ối nếo kơhnâ ƀĕng ƀeăn rơkê ƀă kơhnâ khât tung mâu tơdroăng cheăng, tơdroăng mơhnhôk ‘na Đoân Droh rơtăm, gá pêi kơhnâ khât. Thái lăm mơhnhôk mâu ki ai tuăn hơ-ui, mâu vâi o hok tro rêm lâm, klêi mê pú hmâ vâ  vâi veăng tơlo liăn tơmeăm vâ tơkŭm mâu rôh lăm troh a mâu pơlê kum mâu vâi o vâi muăn ai ếo xâp rơnó hngíu.

Teăng mâ Đoân dêi hngêi trung xuân môi tiah Khu ngăn mâu droh rơtăm lăm pôu, hbru tơmeăm ăm jâ nôu Việt Nam khên tơnôu. Malối môi tiah hơnăm hdrối thái xuân mơdoh chôu pêi pro tơdroăng tơ’noăng tí tăng ‘nâi plĕng ‘na tuăn mơno lĕm tro dêi Hồ Chí Minh, châ kâ pri ối pá péa tung lâp tơnêi têa’’.

Thái Nguyễn Viết Lân tơkŭm veăng tơlo liăn tơmeăm tiô tơdroăng tŏng kum a hngêi trung

Hâk vâ tí tăng ‘nâi plĕng ‘na tơdroăng pêi cheăng rêh ối dêi Hồ Chí Minh Kăn xiâm hnê ngăn tơnêi têa apoăng, thái Nguyễn Viết Lân ngế hơnăm ối nếo hiăng rơbot chôu pâ hên tơdroăng ki pơxúa ăm tơná mâu hlá mơ-éa chêh tơdroăng ki kơnía ‘na Pôa Hồ. Kơnôm ing mê hiăng kum thái ai hên hnoăng kâ hên pri, mê cho pri ối má môi Khu tơ’noăng tí tăng ‘nâi plĕng 110 hơnăm Pôa Hồ tăng troăng tŏng kum tơnêi têa xua khu pơkuâ ngăn Đoân Droh rơtăm Dak Lak tơkŭm po hơnăm 2021; 2 hơnăm hlối châ kâ pri A hneăng tơ’noăng “Hơnăm ối nếo hriâm ƀă pêi pro tiô tuăn mơno, túa pêi cheăng ki lĕm tro dêi Hồ Chí Minh” dêi Khu xiâm ngăn hnê hriâm ƀă hnê mơjiâng tuăn ngôa rơkê a hơnăm 2020 - 2021. Ngoh xuân cho môi tung 45 ngế rơtăm châ khĕn kơdeăn ‘’Ngế djâ troăng a hdrối tung Khu droh rơtăm rơkê kơhnâ pêi pro tiô rơkong Pôa Hồ hnê’’ dêi kong pơlê Dak Lak hơnăm 2022. 

Ngoh Lân tối, ing tơdroăng veăng tơ’noăng, kum ngoh ai rôh châ tí tăng hlê tơ’nôm ‘na Pôa Hồ, ing mê mơdêk tâ nếo hnoăng cheăng dêi tơná, mơ-eăm hriâm tiô Pôa rêm hâi ing mâu tơdroăng ki kŭn hdrối.

H’Xíu H’Mok chêh

Gương tơplôu ƀă tơbleăng