VOV4.Xơ Đăng - Tơdroăng tơkêa bro ‘’Thăm mơdêk ivá tê tơmeăm ngi kong têa ê ăm khu tê mơdró krâ kơvâ ƀă kŭn tung kơvâ tơmeăm ki râm tung kơchâi kâ, kơchâi, plâi Việt Nam’’ kô kum pêi pro pơkâ djâ tê ngi kong têa ê mâu tơmeăm pêi lo ing chiâk deăng, ká xi xŏng châ lối 50 rơtal dollars a hơnăm 2025 ƀă djâ tơnêi têa pin chiâng tơnêi têa tê ngi kong têa ê tơmeăm dâi lĕm tung kơpong ASEAN ƀă tung lâp plâi tơnêi.

Kố cho tơdroăng châ tối a Hneăng hôp tơpui tơno pơxiâm pêi pro Tơdroăng tơkêa bro ‘’Thăm mơdêk ivá tê tơmeăm ngi kong têa ê ăm khu tê mơdró krâ kơvâ ƀă kŭn tung kơvâ tơmeăm ki râm tung kơchâi, kơchâi drêh, plâi Việt Nam’’ châ Khu tơru\m tê mơdró ƀă Kơmăi kơmok Việt Nam dó inâi VCCI, tơrŭm ƀă Oxfam tơkŭm po kơxo lơ 6/5, a Hà Nội.

A hneăng hôp tơpui tơno mâu kăn teăng mâ tối, tê ngi kong têa ê kơchâi drêh, plâi cho môi troăng prôk ki lĕm ăm mâu khu tê mơdró ƀă djâ châ tơƀrê cheăng kâ, laga tá hâi xúa tâi mâu roh tơ’lêi. Xua mê tơmeăm châ tê a mâu kơpong EU ối iâ. Tơdroăng tơkêa bro kố la ngiâ thăm mơdêk ivá tê tơmeăm ngi kong têa ê a mâu kong têa Khu tơrŭm châu Âu ăm mâu khu tê mơdró kŭn ƀă krâ kơvâ tung kơvâ tơmeăm ki râm tung kơchâi, kơchâi drêh, plâi; tŏng kum mơnhông kơchơ tê mơdró ƀă châ achê mâu khu tơrŭm cheăng EU vâ thăm pêi pro mâu roh tơ’lêi hlâu tê tơmeăm ngi kong têa ê; mơdêk ivá dêi kơvâ ƀă ki ô eăng dêi mâu tơmeăm pêi lo ing chiâk deăng Việt Nam.

A Sa Ly tơplôu [ă tơbleăng