36 tơdroăng tơkêa ối tung kơvâ ki kal châ Dak Lak mơ’no vâ tơ’mot khu ki ‘no liăn cheăng. Tung mê, ai 8 tơdroăng tơkêa ối tung kơvâ pêi chiâk deăng ƀă uâ pơliê kế tơmeăm pêi lo ing chiâk deăng, 13 tơdroăng tơkêa ối tung kơvâ pêi chiâk deăng – mơjiâng, 8 tơdroăng tơkêa ối tung kơvâ tê mơdró, ôm hyô. Krê kơvâ pêi chiâk deăng ƀă uâ pơliê tơmeăm pêi lo ing chiâk deăng, kong pơlê Dak Lak ai hên tơmeăm ki ai hlâu kân ing tơdroăng ki pêt troh uâ pơliê.

Laga, nôkố kơmăi kơmok uâ pơliê nếo bu châ 10 – 15% tung tâi tâng mâu kế tơmeăm. Tâng krếo thế ƀlêi chiâng 8 tơdroăng tơkêa pêi chiâk deăng, uâ pơliê kế tơmeăm pêi lo ing chiâk deăng tung inâi ki Vi ƀan hnê ngăn kong pơlê nếo pơkâ, kô gum kuăn pơlê hmiân tuăn pêt ƀă ai tíu ki mơjiâng mâu kơpong pêt tơkŭm, tơniăn, gum mơdêk pêi chiâk deăng tiô troăng pêt tơkŭm, ai xiâm kối tăng ‘nâi, rak tơniăn mâu tơdroăng pơkâ tro.