VOV4.Xơ Đăng - Pêi mâu tơdroăng cheăng troh leh tơbâ 75 hơnăm hâi mâu lêng rong râ hlâ ai hnoăng lơ (27/7/1947-27/7/2022), Mô đô̆i gak tơkăng kong Dak Lak tơkŭm po  tơ’noăng “ Ô têa pâ kơnhŏng”, “pâ kơ mâu ngế hlâ ai hnoăng kăch măng”. Rơtế ƀă pê klêi mâu tơdroăng cheăng pơcháu, mâu kơ koan, đông lêng Mô đô̆i gak tơkăng kong Dak Lak mơdêk hnoăng cheăng hnê, tối ‘na “ Ô têa pâ kơnhŏng” , “ pâ mâu ngế ai hnoăng tơnêi têa” kơhnâ hriâm ƀă pêi pro tiô troăng tơdjâ, hiâm mơno, túa pêi cheăng dêi Hồ Chí Minh, tung tơdroăng mơhnhôk “Pơtối rak vế tơdroăng ton nah” pleăng hnoăng ki rơkê, tơxâng dêi mố đô̆i Pôa Hồ” tung rơxông nếo.

Rơtâ tá hâi leh kĭ tơhrâ mơhnhôk pêi pro tơdroăng kum mâu ai hnoăng tơnêi têa

Ƀă mâu tơdroăng kơjo kum, tơ’noăng pêi tro tơdroăng kum mâu ngế rong râ, tamo châi, rơpŏng ai hnoăng tơnêi têa; Mơhnhôk mâu kăn bô̆ mâu lêng kơhnâ veăng tơlo liăn “kum mâu ai hnoăng”; pêi tro tơdroăng “mơjiâng pro hngêi tuăn pâ” “Hngêi khu pú hên”, “ Hngêi 100 liăn”; tơkŭm hnê păn roăng, lăm pôu kơ êng, mơhnhôk djâ nôu Việt Nam khên tơnôu; hbru  tơmeăm, ăm phĭu kơdĭng liăn ƀă rơpŏng ai hnoăng ai ngế hlâ xua tơplâ, rơpŏng hngêi ai hnoăng tơnêi têa ki kơtiê xơpá.

9. Khế tŏng kum hơnăm 2022, rêm râ Khu lo tŏng veăng kong pơlê Dak Lak hiăng mơhnhôk tăng rơpâu kơxu tơmeăm, tơkŭm lăm khăm pơlât xing xoăng pơkeăng tê kơtê teăm tơdrêng ăm mâu ngế kơtiê xơpá. Ƀă tơdroăng pơká “ Tơrŭm ƀă kuăn pơlê- pêi pro troh lâp lu tơdroăng tŏng kum mâu kơtiê. Khế tŏng kum hơnăm 2022, a kong pơlê Dak Lak hiăng tơ’mot châ krâm mâu khu mơdró, khu ai tuăn hơ ui, kâu lăk ƀô̆, đô̆i, khu pêi hnoăng cheăng tung tơnêi têa ƀă kong têa ê veăng. Tơdroăng hiăng mơhnhôk cha alối 5 rơtal liăn pêi tơdroăng khăm pơlât, xing xoăng pơkeăng tê kơtê, hbru tơmeăm ăm lối 1.000 ngế xơpá, pro ăm 3 toăng hngêi tuăn pâ; 100 to kơ binh pro hneăng hnăng lĕem; tơkŭm pơ kơchô tŏng kum a tơring tíu tơkăng kong Ea Súp. Jâ Trần Thị Phương Thu- Kăn phŏ khu lo tŏng veăng kong pơlê Dak Lak ăm ’nâi. Khế tŏng kum hiăng veăng pro pơ’lêh rơdêi hlê plĕng dêi rêm ngế ƀă tơdroăng tŏng kum, pro chiâng ai hên ngế veăng tŏng kum.

Gương tơplôu ƀă tơbleăng