Lối 1 hơnăm kố, kơpong têa kơneăng dêi pơlê O Gia, cheăm Ia Pếch, tơring Ia Grai thế lôi chúa, nhâ êa rơtôh. Xua rêm hâi, rêm măng, têa kơneăng tro xú ‘mêi dêi eâk chu ing mâu tíu păn mơnăn peăng kơnhŏng hiu.

Pôa Siu Xuân, kuăn pơlê tung pơlê hêng hôu tối:

‘’Xúa têa kơneăng vâ ôu ƀă rôh hmân ếo. Sap ing tíu păn chu gá mơ’no têa ‘mêi hiu a kố, kuăn pơlê ôh tá chiâng xúa têa mê thế lôi, nôkố xú ‘mêi, mơ’no eâk chu prăng rơmon. Hdrối nah mơ’no a kong hâi, nôkố mê mơ’no a kơmăng. Kuăn pơlê pro đơn vâ pơtê tíu păn kố, laga ôh tá ai tiâ tối klâi ôh’’.

Tơdrêng amê, a tơring Chư Prông, nôkố ai tâi tâng 61 tơdroăng tơkêa bro păn mơnăn mơnôa pâ troăng hơlâ mơ’no liăn ƀă hiăng pêi cheăng, châ 29% kơxô̆ tíu păn mơnăn mơnôa a kong pơlê Gia Lai. Krê cheăm Ia Piơr ai 19 tíu păn, cheăm Ia Lâu xuân ai 16 tíu păn. Kố xuân cho tíu kuăn pơlê hêng hôu tung môi pơla ton xua ôh tá kâi xú ‘mêi plâ hâi plâ măng sap ing mâu tíu păn mơnăn.

Pôa Rah Lan Song Linh – Kăn phŏ Pơkuâ Khôi túa lĕm tro pơlê pơla dêi Hô̆i đong kong pơlê Gia Lai hiăng lăm ngăn mâu tíu păn mơnăn pro ‘mêi kong prâi, tối kơ-êng a roh hôp Hô̆i đong kong pơlê Gia Lai. Pôa tối, tơdroăng pá kố kô chiâng tơleăng sap ing séa ngăn tơdroăng tơkêa bro:

‘’A tơring Chư Prông, nôkố tơdroăng tơkêa bro păn chu, ki má lối cho cheăm Ia Piơr, hiăng pơkâ pơxâu phqak ƀă ăm pơtê ôh tá ăm pơtối pêi cheăng. Laga khu mơdró xuân ối mơ’no, chiâng pro kuăn pơlê hên hôu. Sap ing apoăng, lăm séa ngăn, ti tăng tíu ăm khu tê mơdró pêi pro tơdroăng tơkêa bro ti lâi ôh tá hlo tơdroăng pêi sap ing apoăng kơnhŏng gá môi tiah lâi, achê kơpong kuăn pơlê rêh ối môi tiah mê vâ tơbleăng râ ai hnoăng séa ngăn, ai troăng ki ê’’.

Châ khât, vâ môi tíu păn mơnăn mơnôa mot pêi cheăng thế tơkâ hên troăng sap ing pâ môi tuăn troăng hơlâ mơ’no liăn cheăng, mơnhên tơdjâk kong prâi ƀă ăm phêp chiâng vâ păn mơnăn mơnôa. Ki rơhêng vâ tối, ƀă tơdroăng kong prâi, mâu tơdroăng tơkêa bro pơrá châ mơnhên tơdjâk kong prâi, ăm phêp ‘na kong prâi tiô tơdroăng păn. Châ khât, ai hên khu tê mơdró ‘’hmuâ’’ ôh tá pro mơ-éa ‘na ăm phêp kong prâi, chiu pro xôi xua pơxâu phâk ôh tá rơdêi.

Pôa Lưu Trung Nghĩa - Kăn pơkuâ ‘na chiâk deăng ƀă mơnhông mơdêk thôn pơlê kong pơlê Gia Lai mơnhên tối:

“Nôkố luât pơxâu phâk, râ tơring pơxâu phâk tíu păn krâ kơvâ ƀă kŭn mê bu pơxâu phâk 10 troh 15 rơtuh liăn; tíu păn kân, pơxâu phak 15 troh 20 rơtuh liăn. Cho iâ tâng pơchông ƀă kơxô̆ liăn mơ’no chât rơtal liăn dêi khu tê mơdró. Tơdroăng cheăng nếo cho nôkố tá hâi ai pơkâ ‘na mơnhên kŏng ngê̆ ƀă mâu tíu păn mơnăn mơnôa’’.

Tiô riân dêi kơvâ loăng pơlái kong kế kong prâi Gia Lai, nôkố a kong pơlê ai tâi tâng 209 tíu păn châ ăm troăng hơlâ ƀă dế pâ troăng hơlâ. Laga bu iâ pêi pro kơtăng ƀă pâ hlá mơ-éa phêp ‘na kong prâi. Sap apoăng hơnăm troh nôkố, klêi kơ’nâi séa ngăn dêi kơvâ cheăng, Vi ƀan kong pơlê Gia Lai hiăng pơxâu phâk 7 khu tê mơdró xua ôh tá ai mơ-éa phêp kong prâi, laga xuân ối pêi cheăng. Mơhé mê, tiô pôa Phạm Minh Trung – Kăn pơkuâ loăng pơlái kong kế kong prâi Gia Lai, troăng pêi tung la ngiâ, vâ tơniăn kong prâi a mâu tíu păn mơnăn mơnôa, mê kal ai tơdroăng ki veăng pơxâu phâk pơla mâu kơvâ cheăng dêi kong pơlê:

‘’Pơla kố nah ngin bu nếo pơxâu phâk kơvâ kong prâi. Laga môi tíu pêi cheăng mê tơdjâk troh troăng hơlâ mơ’no liăn cheăng dêi Khu pơkâ túa cheăng mơ’no liăn cheăng, tơdjâk troh tơdroăng păn mơnăn mơnôa pơlât mơnăn dêi Khu pơkuâ ‘na pêi chiâk deăng mơnhông mơdêk, tơdjâk troh kong pơlê, tơdroăng pro xôi tơdjâk troh kŏng an. Tơdroăng kố kal ai tơdroăng ki veăng tâi tâng dêi mâu khu pơkuâ kơvâ cheăng vâ séa ngăn tâi tâng ƀă kơtăng, ví lôi khu tê mơdró tro séa ngăn, pơxâu phâk klêi mê pơtối pêi cheăng’’.

Vâ tơleăng tơdroăng ối tơvâ kố, Vi ƀan kong pơlê Gia Lai hiăng ai mơ-éa hnê mơhno Khu pơkuâ túa cheăng ƀă mơ’no liăn cheăng tơrŭm ƀă mâu Khu, kơvâ cheăng, kong pơlê pơtối hnê mơhno mâu khu mơ’no liăn cheăng kêi đeăng mơ-éa tiô pơkâ; pêi pro mâu pơkâ ‘na rak vế kong prâi; xo hnoăng mơhá mâu tíu păn mơnăn mơnôa. Khu pơkuâ túa cheăng ƀă mơ’no liăn cheăng Gia Lai tối ăm ‘nâi, ƀă kơvâ păn mơnăn mơnôa, Khu tơbleăng Vi ƀan kong pơlê kơchăng tung mơhnhôk tơdroăng tơkêa bro, bu mơhnhôk mâu tơdroăng tơkêa bro ki kân, păn mơnăn mơnôa kí, xúa kŏng ngê̆ rơxông nếo vâ tơniăn rak lĕm kong prâi ƀă mâu tơdroăng tơkêa bro ƀă tơdroăng xiê chêh pro mâu tơmeăm ing păn mơnăn mơnôa vâ tơniăn pro chiâng kơnâ; ôh tá mơhnhôk mâu tơdroăng