Mâu kong pơlê veăng tơbleăng cheăng pêi tơdrêng tung um tiô troăng măng mê cho: Ninh Bình, Bắc Giang, Bắc Ninh, Hải Phòng, Thái Nguyên, Phú Thọ, Bắc Kạn, Lạng Sơn. A roh tơbleăng cheăng pêi kố ai lối 160 khu tê mơdró veăng rah xo vâ chê 28 rơpâu ngế pêi cheăng. Tung mê, khu tê mơdró ối tung kơvâ mơjiâng pro tơmeăm khoăng châ hên má môi lối 50% ki ê ối tung kơvâ ki ê: tê mơdró, rơxế pơto tơmeăm khoăng, hnê hriâm, ôm hyô.

Tơdroăng kal vâ rah xo mơngế pêi cheăng ki hriâm kao đăng, đăi hok tơngi klêng châ vâ chê 27%. Tơdroăng kal vâ rah xo mơngế pêi cheăng hriâm trung kâp, kŏng nhân kih thuât châ 42%. Tơdroăng kal vâ rah xo mơngế pêi cheăng hriâm phôh thong ai lối 31%. Mơjiâng pơtroh roh ki kum tơ’lêi tung pêi cheăng ‘na tơbleăng cheăng pêi tơkŭm ki hên má môi a khu 18 – 25 hơnăm.