A rôh hôp, mâu kăn hnê tối Hlá mơ-éa pơkâ kơ xô̆ 1516 dêi Ngế pro xiâm hnê ngăn Chin phuh, pơkâ hâi lơ 10/8/2026, ‘nâi nhên mơdât tơnăng ká tiô pơkâ IUU cho hnoăng cheăng pêi kal kí, má lôi kal khât, kal tơdrêng, rơtế ƀă ki nhoăm dêi tơnêi têa, hnoăng pơxúa dêi kuăn pơlê tơnăng ká, pêi cheăng tê ăm kong têa ê dêi khu mơdró ƀă mâu pơkâ mơnhông krá ton kơvâ păn ká. Pơkâ pêi pro mê ai 46 tơdroăng cheăng.

Khế pêi klêi plâ mơdât tơnăng ká tiô pơkâ IUU châ tơbleăng tung lâp tơnêi têa sap hâi lơ 15/8 troh 15/9/2026. Tơbleăng a rôh Hôp, pôa Võ Văn Hưng, Phŏ ngế pro xiâm ngăn ‘na Chiâk deăng ƀă Hyôh kong prâi, Phŏ pơkuâ Hnê mơhno dêi tơnêi têa ‘na IUU, tối rơdêi, tơdroăng Ngế pro xiâm hnê ngăn Chin phuh pơkâ kơxô̆ 1516 hiăng pơkâ ki mơdât ôh tá ăm tơnăng ká tiô pơkâ IUU ƀă tah lôi tơbleăng “Theh trĭng” EC cho hnoăng cheăng pêi ki kal khât, rơtế ƀă nhoăm dêi tơnêi têa ƀă ki mơnhông tơƀrê ton dêi kơvâ ngăn ‘na tơnăng ká Việt Nam.