Xông tơpui a roh leh, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, tơdroăng Kuô̆k hô̆i hneăng má 15 tơbleăng Pơkâ kơxô̆ 38 ‘na mơnúa mâu troăng pơkâ pêi, troăng hơlâ ki phá tơ-ê mơnhông kong pơlê Thừa Thiên Huế, tung mê pơkâ inhên mâu troăng pơkâ pêi, troăng hơlâ ki phá tơ-ê ‘na pơkuâ liăn ngân, liăn ngân tơnêi têa, kơxô̆ liăn veăng ôm hyô ƀă kơxô̆ liăn rak vế tơmeăm ron ton nah Huế, pro xiâm kối vâ mơdêk tơdroăng mơnhông tơniăn, tơdâng tơ’mô, rế rak vế ki kơnâ tơmeăm, rế mơjiâng ivá mơdêk mơnhông cheăng kâ – rêh ối pơlê pơla, tơniăn gâk kring tơnêi têa, gâk kring tơniăn pơlê pơla, mơjiâng khu cheăng kal kí krá tơniăn rơdêi.

Pôa Trần Thanh Mẫn, Kăn xiâm hnê ngăn Kuô̆k hô̆i pơkâ, mâu khu râ kăn pơkuâ hnê ngăn cheăng Đảng, khu râ kăn pơkuâ pơlê kong kơdrâm Huế ai pơkâ inhên, nhên, vâ tơleăng mâu tơdroăng pá puât, pơloăng mơnúa drêng chiâng pơlê kong kơdrâm ối tung Tơnêi têa.