A roh hôp, Khu hnê mơhno tơkŭm séa ngăn mâu tơdroăng cheăng dêi Khu hnê mơhno; tung mê tơkŭm tơpui tơno ƀă tơpui ‘na tơdroăng tah lôi mâu pá puât ăm Rơ’jíu Việt Nam (VOV) tung tơleăng mơnhên mâu tơdroăng dêi VTC ing troăng pơkâ pêi, troăng hơlâ ƀă mơngế pêi cheăng, tơmeăm hngêi trăng ƀă tơleăng tơdroăng chĕn tơnêi têa drêng mơgêi tơdroăng pêi cheăng dêi Um tơvi VTC pơhlêh tơdroăng cheăng hnoăng cheăng tơdjâk troh ‘na Rơ’jíu Um tơvi Việt Nam.

Mơgêi roh hôp, pôa Phạm Minh Chính, Ngế pro xiâm hnê ngăn Chin phuh mơnhên hiâm mơno, pôu râng hnoăng cheăng dêi mâu ngế pêi cheăng Khu hnê mơhno, ki má lối cho Khu xiâm pơkuâ kăn ƀô̆ - Kơ koan hnê mơhno Khu hnê mơhno ƀă Ƀơrô Chin phuh; pơkâ tơmâng xo mâu rơkong tơpui ƀă tơmâng rơkong tơpui ki tro dêi mâu kơ koan, pêi kêi đeăng tơ’nôm môi troăng mâu mơ-éa vâ tơbleăng Khu hnê mơhno Tơnêi têa, Khu xiâm kal kí. Tối ‘na mâu tơdroăng dêi VTC tung tơleăng mâu tơdroăng ‘na mơngế pêi cheăng, Ngế pro xiâm hnê ngăn tơnêi têa tối nhên, hiâm mơno tơdjuôm cho pro ti lâi châ pơkâ dêi Đảng, luât dêi Tơnêi têa, hnoăng ki pơxúa ăm mơngế pêi cheăng.