Klêi kơ’nâi rôh ki tơbleăng Pơkâ, pôa Lương Cường, Kăn xiâm hnê ngăn tơnêi têa hiăng diâp Pơkâ kơlŏng Kăn teăng mâ Tơnêi têa Kŏng hòa xah hô̆i chuh nghiah Việt Nam ăm pôa Phạm Thanh Bình, ngế xiâm phŏ tơpui kâ; Kăn teăng mâ pơkuâ tâi tâng hnoăng tơnêi têa Kŏng hòa xah hô̆i chuh nghiah Việt Nam a Kŏng hòa Ấn Độ Nguyễn Thanh Hải; kăn phŏ pơkuâ, phŏ Ƀơrô cheăng khu xiâm tơpui kâ Ngô Toàn Thắng; ƀă ngế ki hnê cao cấp, Học viện Ngoại giao Nguyễn Vũ Tùng.

A rôh leh, pôa Lương Cường, Kăn xiâm hnê ngăn tơnêi têa rơkâu mâu Kăn teăng mâ nếo châ xo Pơkâ diâp ăm kơlŏng Kăn teăng mâ. Kăn xiâm hnê ngăn tơnêi têa púi vâ mâu kăn teăng mâ kal pơtối mơdêk hnoăng cheăng ƀă ivá veăng gum tung hnoăng cheăng tơdjuôm dêi tơdroăng tơpui kâ hơnăm 2025 xuân môi tiah tung la ngiâ ah, pơtối veăng gum ‘mâi mơnhông kơvâ tơpui kâ tơ’lêi hlâu, pơkâ tíu Việt Nam tung hiâm mơno dêi chal nếo nôkố, mơdêk pơxúa tơnêi têa – hdroâng mơngế, pêi pro châ tơdroăng púi vâ dêi tơdroăng cheăng mơjiâng ƀă rak vế Tơnêi têa.