Tây Nguyên tơhrâ djâ tơmeăm tê ki dâi lĕm mot a Pơlê kong kân Hồ Chí Minh
Thứ sáu, 10:00, 03/01/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxê hâi lơ 2/1, a pơlê kong kơdrâm Đà Lạt, kong pơlê Lâm Đồng hiăng po hôp tơbleăng tơdroăng tơrŭm cheăng séa ngăn tơmeăm dâi lĕm pơla Pơlê kong kân Hồ Chí Minh ƀă 5 to kong pơlê kơpong Tây Nguyên. Tơdroăng mê ai pơxá cho “Tick ngiât hnoăng cheăng” xua Pơlê kong kân Hồ Chí Minh tơbleăng sap khế 3/2024 nah. Ki xiâm hnê pêi pro châ tơniăn, krá ton ing kơchơ tê mơdró tiô tơdroăng pơkâ tơná ngế ki mê vâ dêi, ôh tá pơkí kơtôa ƀă athế tơdrăng khât.
Rôh hôp kố ối tối, tơdroăng mê hiăng tâng hên ngế tối vâ, khĕn kơdeăn dêi tíu pêi pro xúa tơdroăng séa ngăn kơtăng tơmeăm pêi lo hôm krúa lĕm, ƀă ngăn mê cho rôh ki vâ mơnhông kơchơ mơdró, mơnhông ivá tơbriât tê mơdró. Troh nôkố, tơdroăng mê hiăng ai 8 hngêi tê khu ngế, siêu thĭ ki má môi dêi lâp tơnêi têa vâ môi tuăn, pêi ahdrối ƀă hnoăng cheăng hnê djâ khu mơjiâng pro tê mơdró veăng pêi pro.
Rôh kố, Pơlê kong kân Hồ Chí Minh, mâu kơpong Tây Nguyên ƀă 8 hngêi tê ‘ngré hiăng kĭ tơhrâ tơrŭm séa ngăn krâu khât mâu tơmeăm tê. Tung mê mâu kong pơlê kơpong Tây Nguyên thế ai hnoăng kơjo kum mâu khu mơdró veăng “ Tick ngiât hnoăng pêi pro’’, rôe tơmeăm ki dâi lĕm vâ xoăng tê a mâu kơchơ.
Viết bình luận