VOV4.Xơ Đăng - Lối 30 khu tơrŭm cheăng lâp plâi tơnêi ƀă 100 khu mơdró ki kân tung lâp tơnêi têa pakĭng veăng hneăng hôp tơbleăng pơkâ ƀă mơhnhôk tŏng kum kơpong tơbăng kroăng Cửu Long, châ tơkŭm po a kơxo lơ 21/6  a pơlê kong kân Cần Thơ. Tơdroăng mê nếo châ Khu xiâm ngăn pơkâ ƀă ‘no liăn cheăng ăm khu chêh hlá tơbeăng.

Hneăng hôp tơbleăng pơkâ ƀă mơhnhôk ‘no liăn cheăng kơpong tơbăng kroăng Cửu Long pơla hơnăm 2021-2030 kô châ pơkâ tiô troăng rơhlâ tơbleăng Tơdroăng pêi pro tiô pơkâ kơxô̆ 13 khu xiâm kal kí ‘na troăng rơhlâ mơnhông mơdêk cheăng kâ, rêh ối, tơniăn tơdroăng lêng, kring tơniăn kơpong tơbăng kroă Cửu Long  troh hơnăm 2021-2030, hvái ngăn tơdroăng vâ pêi troh hơnăm 2050.

Ngế xiâm phŏ hnê ngăn tơdroăng Pơkâ ƀă ‘no liăn cheăng Trần Quốc Phương ăm ‘nâi: Hneăng hôp ai pơxúa kal khât tung tơdroăng môi tuăn hlê a tâi tâng rêm râ, kơvâ cheăng ƀă hnoăng cheăng, tíu pêi cheăng bă ki kal dêi kơpong ƀă tơrŭm tung kơpong. Tơrŭm thế chiâng tơdroăng tơmiât pơkuâ hnê mơhno chông djâ ki mơnhông mơdêk tung kơpng ƀă tơrêm kong pơlê tung kơpong.

Gương tơplôu ƀă tơbleăng