VOV4.Xơ Đăng - Kơxo lơ 6/7 ai lối 100% ngế kăn hiăng ai mâ amê vâ môi tuăn, Vi ƀan pơkuâ cheăng Kuô̆k hô̆i hiăng tơbleăng tơdroăng Pơkâ ‘na kơlo pro hnoăng mơhá rak ngăn hyôh kong prâi ƀă têa kơxăng, têa châu, têa nhơk.

Vi ƀan pơkuâ cheăng Kuô̆k hô̆i ‘mâi hơ’lêh kơlo pro hnoăng mơhá rak ngăn hyôh kong prâi ƀă mâu khu têa châu têa kơxăng, têa rơmâ, nhơk chu a kolo pơkâ tung tơdroăng pơkâ bro hnoăng mơhá ta troh tâi hâi lơ 31/12/2022 môi tiah kơ’nâi kố: Têa kơxăng (ôh tá riân etanol) chu kơdroh ing 2.000 liăn/lit chu ối 1.000 liăn/lit; têa châu pơtrol chu kơdroh ing 1.500liăn/lit chu ối a kơlo 1.000liăn/lit; têa châu diesel chu kơdroh ing 1.000liăn/lit chu ối a kơlo 500 liăn/lit; têa châu mazut ƀă têa nhơk chu ing 1.000liăn/lit chu ối a kơlo 300liăn/lit; têa rơmâ nhơk chu ing 1.000liăn/lit chou ối a kơlo 300 liăn/kg; têa châu têk on xuân ối rak a kơlo 300 liăn/lit, xua kố cho kơlo pơkâ tơchoâm tung tơdroăng pơkâ pro hnoăng mơhá. Vi ƀan pơkuâ cheăng Kuô̆k hô̆i môi tuăn pơkâ ăm xúa dêi tơdroăng pơkâ mê cho ing hâi lơ 11/7/2022.

Gương tơplôu ƀă tơbleăng